1. |
Kahlil Gibran
05:13
|
|||
wuk ziej nog met je stiel van plan?
e carriere maken of bluvn rappen voe twintig man?
vragen overvoln me, wien wit woa da me ziel beland
Ik zien e mili-tant voe de liefde lik Kahlil Gibran
me leven stoa grotendeels up vinyl gebrand
en met me kladblok ek ondertussen e stabiele band
mo de wisselwerking met gedachten is fragieler dan
e kersebloesem ot de lentevorst nog e visite plant
der zien te weinig woorden voe me ut te drukken
mo zinsneden passen tegoare lik puzzelstukkn
ok me uten up e beat gif ek je mor e poar letters
mo me beeldspraak is glashelder lik bie woarzeggers
kzien e zwoarvdechter die het heft in eigen handn pakt
ze zeggn echte hip hop et te weinig andacht
mo fack da, echte hip hop is nie voe de massa
dus tis logisch dat er mor e kleine kring bluft bie de ambacht
voe mien is t’canvas e open veld vul met meuglijkheden
volut vul ek et met varioatie dak willn deuregeven
gedreven sleur ek derut wat dat er vanbinnen zat
ik schrievn met e penwortel, dus de impact
van me bodemloze verzen vergt e benoadering
die verder goat, dan je ervoaring beseft
Hip Hop, is nie van joen mo wel van us
want woa dan platen bluvn draaien en kraken vien ek ik me thus
ze willn dak, schrievn up die trapbeats en hi-hat-collecties
me flow simplificeren.. “amai zeg, zo technisch”
ok klappen, krieg je klappen lik e roos
oenverbloemd, gieder poppie lik papavers, mo wieder oendergroends
just lik rottende kadavers, en daw zoen achterhaald zien
is even logisch lik e Poolse Joodse neonazi
vergit et, en ja et tzit in smaken
mo kzie liever noois nie upgemerkt, dan met mumble rap e hit te maken
tis noois nie commercieel bedoeld gewist in et begin
omdat et rebelerende karakter doarvoorn moe krimpn
en verdwijnen up de achtergrond, nog mor e schim
van wat dat wos, up et moment dat angedreven is deur winst
ik geevn beats en schrifen kortsluiting met de stroom
van et eletrieke beentje in men elleboog
nie zomo weer e rapper, mor e lyricist die verzen stookt
in houten voaten en up oede ploaten zoekt no woa dat ie e sample oort
ot olles wegvolt, bluf juste nog t’schrieven over
en e beat die zorgt dat olles vlotjes up de track rolt
me hele ziel zit in die shit dus da me tekst molt
is evident, kzien 24/7 up e rap golf
kzien resistent tegen die pussyrappers die gin inhoud en
ze doent olleen voe fame en voer e vriendinne t’en
omdaze ook iets nodig en int leven da vuldoening gift
mor oj gin voeling stikt in et proces
ist noois nie authentiek of echt oj etwa rapt en das net etwa da gevoelig ligt
bie ik, ik zien fan van olles ot er mo gevoel in zit
mo kmissn, de latste tied de vibe van echt rijms
ik zien ze wa volsche schien uphoudn lik Hyacint Bouqeut
ken genoeg van ol die man, deurzichtiger dan lingerie
lik e kikker in et water kook ek ze au bain marie
ik slamn up beats lik e bezetene.. kvoeln mee met de oenwetende
kvergeevn ze, mo doarom ziej gie nog gin echt mc
tgoa vele verder dan wa regels spitten
tvoelt lik of dak heel me fucking leven in de ether smietn
kzien ol meer dan 15 joar bezig, nog ossan even gedreven
voe t’evolueren, kwiln elke dag inoveren en beter schrievn
Big up nor ol die dope rappers dient in leven oedn
under vastebieten in de stiel lik e bezeten hond
ik geevn joen me kostboarste item ok ik gevoelens droppn
zien we nie ol zo prikkelboar gelik e voodoopop
anno 2020… je mening moet int kotje passen
oj 1 gepaft et oenderweg toen meug j’int potje plassen
toffe gasten wi die flikken, vraag et Floyd mo
ieder uprecht en goebedoeld project wordt ier geboycot
ze zwaaien met lege scepters, en geevn echt om nietn
ze voeden je met angst en overloadn je met verdiet
je, ku nie veel anders dan te volgen met de massa
oj nie voe jezelvn ku beslissen wat dat er van afhangt
tis fucked up, mo fack da, tis kiekn no jezelvn
want in heel de wiede wereld kut er, niemand jen helpn
butn gie, dus ik zorgn voer ik en voe me noastn
ik zien chill an et genieten mo kzien heel de wereld hoastn
ze zien ossan onderweg, stoa noois stille bie situaties
tis groeien voe te groeien voe te endigen me noaties
onderworp an infloatie, an bubbels dien uteenspattn
ze spellen je de lesse, mo zen zelvn weinig leer-kracht
mo ze verkopen klasse, da verkopt beter dan kleerdracht
overschaduwen olles up de wereld die us 1 makt
mor 1 twa ku ze me noois beroven, das dak breedlachs
de dag startn, zodak stap voe stap komn toet eendracht
tgoa vele verder dan wa regels spitten
tvoelt lik of dak heel me fucking leven in de ether smietn
elke bar dak schrievn is e vezel van me ziel
dus past up oj ze oort ze zien redelijk fragiel
|
||||
2. |
Pure Magie
05:00
|
|||
soms moej mo juste goeie moatn en, nie meer of nie min
etwien woarup daj ku terugvolln oj zelve niet niemi ku verzinnen
e goe gesprek is therapeutisch, e vibe is fysisch voelboar
je mist de charme van de weg oj blindelings no’t doel stoart
dus investeert in tgeen dat oenderweg je pad krust
gift andacht an de menshn, want ot oenderwerp nie anslut
en je zelve juste mo van plan ziet voe’t gesprek te steuren
en nie lustert, toen got die connectie nooit nie lange deuren
lat us tope an de weg bouwn, oe bouw je piramides
1 voor 1 jen eigen dingn doen zoender coöperatieve
initiatieven, of tope in team
we zien der voe mekoar te helen, on we zelve niet van hoop niemi zien
ik zien ook mor etwien, gie ziet ook mor etwien
niemand is beter dan een ander, zegt et ze, ookol geloven ze’t nie
bluft ossan trouw an je principes en je innerlijke woarden
dad is prijsloos, dat kunnen ze noois nie kopen van gie
Pure Magie, oe dan de woorden veelbetekend zien
je kut ermee 1 breken of were toet leven briengn
de kracht van uze spraak, geformuleerd in spreuken
elke lettergreep daj spelt neigt no woarheid of leugen
Pure Magie, oe dan de woorden zo creëerend zien
je kut ermee regeren over hele industries
de kracht van uze speech, volt nie te oenderschatten
omdat ieder woord et hele universum kut omvatten
je kut etwien toet leven briengn met 1 zinne die raak zit
et woord is tgene woamee daj et beste wa soelaas gift
soms et etwien olene nood an iemand die wilt lustern
mo der zien ook situaties woa dat nodig is te flusteren
en e boodschap te verspreiden, e kloptje up e schouder
tracht er af en toe te zien, geweune zien
want we worden ossan ouder, uze dagen worden korter
ot er weinig menshen zien dien met aandacht no je orten
tkost us nix, voe t’investeren in de kracht van vriendschap
en de woarde damme werekriegen is e twat unieks
zoet niet de max zien ot de hele wereld af en toe plezier ad
wel met liefde en compassie is da rappe gefixt
zegt olene wa dj doet, doet olene wat daj zegt
want ieder woord da wordt misbruikt, gift et lelijke effect
dat de zin van’t leven onverstoanboar wordt in et proces
woadeure dawe rondzwerven in e duistere plek
Pure Magie, oe dan de woorden veelbetekend zien
je kut ermee 1 breken of were toet leven briengn
de kracht van uze spraak, geformuleerd in spreuken
elke lettergreep daj spelt neigt no woarheid of leugen
Pure Magie, oe dan de woorden zo creëerend zien
je kut ermee regeren over hele industries
de kracht van uze speech, volt nie te oenderschatten
omdat ieder woord et hele universum kut omvatten
Pure Magie, oe dan de woorden veelbetekend zien
je kut ermee 1 breken of were toet leven briengn
de kracht van uze speech, volt nie te oenderschatten
omdat ieder woord et hele universum kut omvatten
|
||||
3. |
Eeuwige Student
04:50
|
|||
Ik zoeken nie no heibel
tenigste dak nu nog echt wiln is e gesigneerde versie van de Bijbel
da ze me ploatn spinnen ook ol fok ek nie me labels
omda ke doa me droai nie vien lik e kapotte dreidel
upt nippertje ontsnapt an de dood lik e roadrunner
toet da Hip-Hop up me pad kwam, kzettn me flow vlugger
up blad dan,da zeveraars leugens ut under mouw schudden
architect of nie je ziet dak schema’s in et blauw drukken
want ik zien e stylo stylist als klein manneke ek ruwe paden
bereden up me filosofiets
meer platte bandn get dan tijdens e safari no lake Natron
mo da wos ollemaal vergeten bie men aankomst
et revitaliseerde ol me lichaamsweefsel
ken nog ossan evenveel dust, mo deur de joarn ist er minder speeksel
nu vienik rust in et verroeste Engels
van mezelvn ok in freestyles toevallig taaln mengeln
minder stress, ik stiegn no jen hoofd gelik e Jagermeister
lyrics zien te rauw, ik exposeren biters
kun der nie an doen ik doe nie mee me hypes
ik geevn mics me leven viben stevig zoender hype te claimn in commerciële cyphers
speeln et spel lik dak de regels oversloan
in stoat voer e verhaal te wurgen met zen eigen rooie droad
ik geevn leven en maakn bruggen voe de vele regels
en de taal te luchten ookol oasem ek soms overdoad
ik zien nie noois rap content
ik bluvn ossan zoeken lik een eeuwige student
der is sowieso veel meer dan da we kennen
of kunnen, leren is us enigste talent
ik zien nie noois rap content
ik bluvn ossan zoeken lik een eeuwige student
der is sowieso veel meer dan da we kennen
of kunnen, leren is us enigste talent
soms ziek de kluts kwiet, lik een eierklopper die gin rust kriegt
gedreven voe de koude te trotseren lik e huskie
sloak de wintermoandn in hondebrokken,
omdak ik kommof maken met zoendebokken toet dak up et punt zien
dak zoender stoppen investeren in et trivium
en olle 4 takken en gemeesterd van’t quadrivium
Een eeuwige student, Boeshido is e studieclub
wa cyphers nerelegen? kzien gediplomeerd in Rummikub
gif me 16 bars en kgeevn joen e heilig schrift
neergeschreven oender de schaduw van et oneindig licht
levensregels, eigen zicht up zaken, vergeten wegels
ieder post brieven no geluk mo ze vergeten zegels
melancholie is nu e cult geworden
in e wereld woa daw honger ebn, kiekend up vulle borden
stoarend no de leegte da je projecteert in jen eigen gezichtsveld
je instelt up juste je gebrul te morsen
elke letter int gedicht telt ot nummers zien
want bie de kleinste foute kom je noois nie toet een uplossing
der zien ossan 2 kanten an bewust te zien
want ook nie ieder vier ister geboat bie van geblust te zien
iedereen is up de vlucht voe dingen
dus zoewe moen geduchtig zien met oe da wieder ommespringn met vluchtelingen
verstoa je? probeert misschien van je volgende vlucht te mijdn
de voetjes up de groend, en tracht in eigen land geluk te vien
je kut me tegenkomn woa dat de klokke stillestoat
de tied nog nie begonnen is, de velden zoender prikkeldoad
de waters zoender dammen, en de lucht nog zoender fijnstof
woa da Columbus nog gin perdeogen ut zen ei klopt
mo vaker zit ek tusshen medeklinkers
wos ek romulus of remus, toen ak verzeken ook wel zeven kienders
dien de zorg nie keegn da ze voort beschermt
mor ik zien Samoerai en geevn kinders wa ze nodig en
we voeln us ol be-schermd omdawe up e screen kieken
we loatn herojunks nuchter en clean lieken
owe juste via interfaces face to face kun komn
geluk olene nog bestoat ut materiële eigendom
tis lik dak leven in e sketch van Theo maasssen
oe meer dak et bekijken, oe meer dat me komt dagen
dat de wereld e stand up routine is die nie up punt stoat
een eindeloze set-up die mo zelden nor e punch goat
|
||||
4. |
||||
we zien toch ollemale tzeste, of nie, soms wit ek et zelf nie mi
ok zien dat er zovele duisternis in uze wereld is
tan vraag em soms of… ok ik dad ook bezitten
zit de capaciteit voe iemand te vermoorden in me
zoek e dier kunnen martelen ok em recht moen in zen ogen kieken
on ze mien gezin bedreigen, goak toen ook over lijken
overdrief ek ok beweren, dak da nie geloven
kent gevoel dat da nie kan, mo
mo we zien toch ollemale tzeste, of nie, ist er verschil
zit ek temidden e verschrikkelijk conflict of e geschil
kmissn t’begrip voe dat te weten, mo ist nie damme 1 zien
met 1 taal en 1 bron van liefde, pure eenheid
mo kzien zovele evil in uze 3e dimensie
ol wit ek dat de slechtste dingen ter wereld soms
gestart zien met de beste intenties, is vaker overduidelijk
dat sommige menshen minder goe intenties en dan gebruikelijk
ik dachtn da me 1 woarn, e vonk van et oneindige
e druppel in dezeste oceoan , et ogenschijnlijke
misschien ziek wel bedrogen in me vols idealisme
deur de joaren is me naïviteit gestold toet nihilisme
mor et omgekeerd is ook woa, das typisch voe de wereld
in de ruwste grofste oester vien je, de gladste perels
dus tis enkel perspectief, e referentiekoader
woarin dak just observeren wa dat me perceptie noadert
we zien toch ollemale tzeste, of nie, ik peiznt echt van wel
want ot er 1 twuk relevant is dat me lijdensweg vertelt
is da we ijzingwekkend snel manoevreren deur uze kosmos
en da stille bluvn stoan ut angst olange niet mir oplost
dat we tope in die positie stoan, voer uze
wereld te reformeren nor een evenwichtige coalitie-stoat
mo oe zoew da bereiken ot budget no de militie goat
en olles wijst up e manipulatieve politiestoat
tmoet eest doenker zien vo dat et licht em kenboar makt
dus hedendaags zien der kwade krachten in een onschendboar pact
die under rol goed spelen, mo wieder bluvn achter
we zoen olles, echt olles, in de wereld kun veranderen
met e minimale wijzigng in uze levenshouding
in essentie kom et nere up 1 kleine onthouding
lat je denken niet regeren, mo lustert no jen erte
want ol voelend kom je dichter, ol peizend stoar j’in de verte
en tis logisch dat we categoriseren
an de basis ist een eenheid, dat volt nie te divideren
mor oj enkel wazen ziet ipv “rood” en “blauw” of “groen”
toen ku je met die eenheid nix doen
dus de wereld is gespleten, omdat we em zoen vatten
in e plek van “goed en kwoad”, sinds de allereerste appel
uze vloek en uze zeggen, wen nood an trans-form-oatie
tegenstellingen zien gelijk in oard, mor anders qua gradoatie
we zoen moen weten toet wa da we ollemaal in stoat zien
echt weten, toen zoet in 1-2-3 gedoan zien
want als mens zien we begiftigd met e gift en e vergif
an joen de keuze, mo tis in essentie vree simpel beslist
we zien toch ollemale tzeste, ewel, dus deeln we dadde
dat we liefde willn, begrip, e bitje menselijke warmte
dat we ruimte en voe fouten te maken tijdens t’proces
woa bie daj zoekt no wien daj ziet, zoender dat iemand je berecht
gezoend en lekker eten, de bloemetjes en bijtjes
minder rijke biljonairs en minder nutteloze feitjes
woa dat iedereen geaccepteerd is zoender e discusie
met ruimte voe te groeien, ot elk van us e contributie
zoe doen, us best te doen te handelen noa wa dat we weten
en us ego trachten in te perken en te balanceren
toen zoew sowieso de hele wereld rehabiliteren
elk e deel van et geheel en zo t’geheel transformeren
want we zien ollemale tzeste, in essentie
is de mens e vat dat bruist van de creatieve potentie
we zien magiërs, pure liefde, sterrestof
quasi int midden van uze kosmische pelgrimstocht
|
||||
5. |
Inkabob
04:40
|
|||
ze zeggn dat ie tekstenboeken vul et met utgewerkte concepten
dat ie van Big Daddy Kane persoonlijk et leren rappen
dat ie klapt in taaln die linguïstisch nie eens vastgeleid zien
ze zeggen dat ie slapend ol ze rijms schrijft
dat ie et alfabet volledig blootgeleid et en et up to date briengt
t’gezoem van de kosmos is ze dagelijkse lijflied
net nog 37 albums liggen die moetn getaped zien
tegenstanders breken van ze blik on ze te fake zien
ze zeggen dat ie t’middenveld ku steuren van de zijlijn
overol woa dat ie wandelt vormn der oendergroendse leylijnen
ze zeggen dat ie licht kut in et duister treden
dus ist ie stoat voe ut te spreken wa dat kosmisch moe gezeid zien
ie schrijft gin verzen, ot ie pent evaporeert de spanning
in zen omgeving en condenseert toet de illeste teksten
nis in stoat… voe met ze blote handn vinyl te pressen
twa nieuws t’ontdekken da t’uitvinding van wiel zoet overtreffen
moar ik vien me shit geweune, ze vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
ik vien me shit geweune, ze vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
4 bars break
Ze zeggn dat ie ofstamt van Plato en Shakespeare
gin Rudolph, mor in essentie ist ie wel e rein dier
zest int hol van plutol kent ie de hele omgeving
want ze zeggn dat de hele wereld huist
in ze innerlijke beleving, ne moe wel gefrustreerd zien
ot ie nooit begrepen wordt omdat ze raps veels te gecompliceerd zien
ze zeggen dat ie 7 mics moe kopen up e joar
dat ie up level zit dat in gin honderd joar wordt gevenoard
nis van een andere dimensie
e kosmisch lichtwezen die zest Nikolo Tesla zou bijleren over frequentie
nis zo hoogbegaafd
dat z’under up em baseern bie et creeern van artificieële inteligentie
e zeggen dat ze pen oneindig inkt bevat
ne eet zovele pussyrappers up ze noemn em Inkabob
dat ie de dopeste lyricist is die ooit et geleefd
geliek wien da ze zeggen ol die shit is overdreven want
ik vien me shit geweune, ze vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
ik vien me shit geweune, e vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
tschient dat ie de latsten van ze soorte is
da t’intellect die em begriept nog lange nie geboren is
en dat ie utverkoorn is voe t’licht te reveleren
want ie kan met de stem van de stilte communiceren
tschijnt dat ie ze derde oge elk moment geactiveerd et
dat ie over ieder oenderwerp wel een idee et
ze zeggen dat ze timbre dove menshn kut doen oorn
dat ie ol ant schrieven wos van voorn dat ie wos geboorn
ze zeggen dat ie kut e standbeeld toet troanen briengn
huilen lik e wolf en in de tale van de moan zingn
ze zeggn dat ie zoveel voorn lopt up et gemiddelde
dat ie deur de joarn bovenoardse gaven ontwikkelde
ze zeggen dat ie extraterrestrieel is
dat ie den enigsten en, niet de zoveelsten is
ze zeggn zovele dak zelve soms nie weten
wien dak zien en wat dak doen, kzien nog ant experimenteren mor
ik vien me shit geweune, ze vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
ik vien me shit geweune, ze vien et legendarisch
voe mien zegt dat olene etwuk over die ander artists
legt de latte telkens nog wad hoger o je bars schrieft
de meeste rappers zittn nog te sukkeln met de basis
|
||||
6. |
Ingefluisterd
04:58
|
|||
Soms is rap men utweg, vienik gin rust mir in de wereld
enkel teksten geven me tgvoel dat klopt
kzien nog dezeste kerel in de ogen van me kladblok
en tis beter dan de gesprekken dak voeren in me kop
ok et up blad kun ventileren, want up sommige momentn
word ek zomo met de meest verwarrende gedachten geconfronteerd
die me kraken, me zelfvertrouwn breken,
me no beneedn aaln, zodak nie mir in stoat zien voe te spreken
de n’avond vul ek meestal in met verzen en coupletten
enkel schrieven kun me geven wat dak nergens anders treffn
in de nacht ziek bezig met de teksten te verwerken
overdag concretiseer ek ze, et elpt me te relaxen
tzien de letters die me troosten ok gebroken en gebarsten zien
voe mie is hip hop sowieso e pharmacie
et echte medicijn die me geneest van olle kwaaln
want niet in de wereld is zo helend of de taal
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
want ik schrievn nie, et wordt me ingefluisterd in me geest
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
dus ik schrievn nie, et wordt me ingefluisterd in de geest
schone woorden elpen nie ot crisis is
lettergrepen kun je nie vertellen wa da je psyche mist
mo Hip Hop is de shit, ok ik me teksten smieten
is je nekke stief lik achter een avondje sterrekieken
kbluvn ossan schrievn ze beseffen nie
ok zo gon progresseren komt er in us alfabet nomeki letters bie
ik wissen je geheugen, geven je’t gevoel
van de woarheid bloot te leggen in et midden van e leugen
de inspiratie vult je lik de stress tijdens de werkdag
met da verschil dat tgene ier je nie kapot mo sterk makt
Tis Phatmark, ol meer dan 15 joar zie we actief
nog zovele zwoare ploaten dak bewoaren int archief
ze zien nie kloar voe wa da Vorre zoe performen ot ie piekt
ol ol die joaren is de woarde van muziek
voe mie gebleven, tis verweven met ervoaringn ut de tied
van toen dak nog wa joenger woarn, onervoaren mor uniek
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
want ik schrievn nie, et wordt me ingefluisterd in me geest
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
dus ik schrievn nie, et wordt me ingefluisterd in de geest
vaak schrief ek zoender topic, zoender ondwerp
want woare inspiroatie is etwa daj nie kut oenderwerpen
ik oedn me sterk zodak beschikboar bluvn voe noastn
upt gemak, we en mo zelden boat bie us te hoasten
dus ik loatn olles voln ok et gewicht niemi kun dragen
ot nu schriftelijk gebeurt of nie ik voeln me soms verslagen
en moar amper in stoat voe nog te proeven van de dagen
dast moment woarup dak schrieven toet dak vroeg ontwaken
met me hoofd tussen de inktbussen
want ken de hele nacht geschreven mo toch kreeg ek der voorlopig weinig zinnen tussen
me gedachten en onzekerheden woa dak invluchten
de indrukken vant leven die me soms indrukken
mo kweetn dak me der nie meugn in verliezen
en ol liek et nie azo zien der keuzes voer ut te kiezen
dus probeer ek elke lettergreep te richten up et goeie
en kbesefn elke tekst is weer e bitje verder groeien
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
want ik schrievn nie, et wordt me ingefluisterd in me geest
Soms ist olleen e tekst die me ku redden
e sessie in Boeshido, wa letters, me pen
e beat die me volledig overnimt en inspireert
dus ik schrievn nie, et wordt me ingefluisterd in de geest
|
||||
7. |
De Boasis
03:51
|
|||
de kleine massa slapt vast, mo wieder wekken interesse
old school wen geleerd van up te letten in de lesse
dus we geevn nie om klasse, we lettn nie up de reste
we zien meer dan wa rappers, we zien rasechte vertellers
met 1 drachtige versregel gok et hoofd moen biedn
an ol da up men ofkomt, ol ist soms nie t’overzien
ik trachten te connecten en ik werkn an e grote scene
mo dichters lik Jotie worden sowieso over t’hooft gezien
karig met me woordgebruk, geloof jet nie ?
soms zeg ek liever nix dan dak moen overbodig zien
ander dagen ist lik dak e filsofoof kun zien
mo tmeest van ol zoek e gediplomeerde idioot kun zien
big up nor iedereen die der met erte in zit
we komn der wel, we moen us minder focusen up ergenis
up zoek nor e plek die ergens tussen ergens en nergens is
voe te beseffen daj ol ossan up de juste plekke zit
De Boasis, is da niemand ier nu boas is
De Boasis, is dat iedereen de boas is
De Boasis, oed jen erte ossan puur
ziet olene wien daj ziet, kennis over de cultuur lig an
De Boasis, et respect voe je collega’s
De boasis, is dat de scene nie werkt zoender eendracht
De Boasis, is genieten, elke dag
tis verliefd zien, tis simpel, tis liefde voer et vak
soms moej de zwoartekracht tarten lik de schroef van Archimedes
wuk is t’nut van bluven lopen ot de reste nog nie mee is
gift iedereen e kanse voer et vien van e vizier
voe deur te kieken en te hopen up e wereld van plezier
e woaterval die lang genoeg stroomt wordt e rivier
bouwt tope an e wereld van geperforeerd papier
en vult de goaten met intentie
me kennis en me passie, stikt in olles steeds jen eigenste dimensie
clichés, kweet et, mo doarom nog nie toegepast
en ook nie zomo toe te passen, dus oefent vast
en stikt olene de juste bagage in je boekentas
woamee daj resoneert, en woa da je gevoel bie past
lat us nix mi doen voe anderen te pleasen
lat us an uszelvn werken en w’on de andere meer pleasen
dan voorheen, want iedereen et liever etwien echt
die ruw en breekboar is dan iemand die gebloenken is en nep en das
De Boasis, is da niemand ier nu boas is
De Boasis, is dat iedereen ier boas is
De Boasis, oed jen erte ossan puur
ziet olene wien daj ziet, kennis over de cultuur ligt an
De Boasis, et respect voe je collega’s
De boasis, is dat de scene nie werkt zoender eendracht
De Boasis, dat is genieten elke dag
tis verliefd zien, tis simpel, tis liefde voer et vak
tis genieten van de stap die oois goa leiden toet e sprong
zoender ongeduldigheid, de feiten goan int roend
Fama Est, dat we lik moeite en met vormleer
je ku niet ossan t’hoofd biedn an ontij en stormweer
rest in peace nor ol de gevolln soldoatn
die sowieso goan deureleven via under ploatn
houdt je kop recht, ol ist er soms wa concurentie
zie we an de boasis ol verliefd upt tzeste
Dat is de essentie, der is etwuk up til
de mensen zien zovele meer geliek dan dat er last is van verschil
mor uze focus ligt voral upt butenste, de schil
en dus zittn we te kibbelen over simpele geschiln
dien us verdeeln, da meugt us nie vertragen
we moen olle dagen streven voe gelukkig te ontwaken
en ot nie zo is, toe moew in stoat zien da te keren
elke dag is were e kanse voer e voardigheid te leren das
De Boasis, is da niemand ier nu boas is
De Boasis, is dat iedereen ier boas is
De Boasis, oed jen erte ossan puur
ziet olene wien daj ziet, kennis over de cultuur ligt an
De Boasis, et respect voe je collega’s
De boasis, is dat de scene nie werkt zoender eendracht
De Boasis, dat is genieten elke dag
tis verliefd zien, tis simpel, tis liefde voer et vak
|
||||
8. |
Fotogeniek
05:25
|
|||
intergalactische radiosignaaln wordt upgepikt deur me versterker
Word, ol is de micro soft ziek ik e tekstverwerker die excelt
en acces et toet ieder chapter in e Brown book
up outlook, de codes in me raps loatn de crowd shook
ik mengeln, vermengeln, lik Mengele
en briengn 2 links bie mekoar voe verbandn vast te leggen
dubbelzinnig met een enkelvoudige manier van upzet
et meeste goa verloren oj ffkes nie uplet
ik zien e filosoof
ik en de elementen geconnecteerd lik bie atomen in e isotoop
bars zo diepgoand, daj ze moe checkn oender e microscoop
e meester met de literatuur, een filoloog
ik zien gin pionieer mo ktreedn gern in de sporen
van de grootheden dien under passie noois en verloren
et fundament geleid en, woarop dat ik me huis bouwn
een origami-artiest, ik doen nie meer dan utvouwen
de blueprint is eeuwig, wos aanwezig voe dat papier bestond
me shit is vruchtboar lik pierestront
Ik vien die shit gemakkelijk
men mien lyrisch sparren is lik boksen tegen Mike Tyson upt latste van de joaren 80
ok braggen ist omdak mezelvn scherpen als mc
kzien da veels te weinig in de reste van de scene
der is brag genoeg mo tgo nie vele verder
dan wat pipi kaka humor, weinig rappers die nog skillz herbergen
ik en de dopeste flow, kboefn beats up lik e petit gervais
ol wos ek ik ricky gervais tijdens de golden globes
olles dak droppen up e track da voel je sowieso
classic, just lik Macauly culkin in home alone
dus gif ik junder de lyrics daj gieder wilt
me delivery zo zwoar dat zest William der an tilt
Samoeriggedy, e verbale cruella de vil
een echte lyricist, lyrics zien nog wilder dan wild
kzien getraind int communiceren lik logopedistn
krappn zo visueel me punchlines zie fotogeniek
de pagina’s verzwiegen nix
me regels zie zo heilig da groeperingen ze proberen in de Sharia te fixn
getraind int communiceren lik logopedistn
krappn zo visueel me punchlines zie fotogeniek
de pagina’s verzwiegen nix
me regels zie zo heilig da groeperingen ze proberen in de Sharia te fixn
ik kun mozart zen aria’s erschrieven
kzie zo ziek ik doen tropische muggen met malaria bezwieken
rappers zeggen dak olene braggen binnenin me zinnen
ze zien even sim lik da kartje in me gsm
shit is basic, wien et er nog zen eigen tracks al lijflied
wien rapt er juste mor oj et moe deur etwien gezeid zien
kzien zoveel rappers dien olene mo gebakken lucht verwerkn
mo met e duwtje loopn ze leeg, ze schrieven bubblerap
ik streevn voer een impact te creëren met me tracks
die evenredig is an Princes Di die in een tunnel crasht
de hele wereld up ze kop ok ik me tracks droppn
want elke tape dak maken is in essentie e best of
de latte wordt geleid op e niveau niemi bereikboar
voe’t gemiddelde, in e poar dagen ek e hele tape kloar
met illere verzen dan dat de meeste ier in e joar pennen
oj me wilt treffen goj de snede van me zwoard kennen
e rapper int publieke oog mo met de taal gok dichter
No de kern vant universum dan de klassikale dichters
ol me teksten zien zo schokkend, upt moment dak ik ze droppen
Wordt de impact geregistreerd met de schaal van Richter
Me lienen zien explosief, k’verassen meer dan Pompei
Ik zien een echte djinn, tmoe gin tonic bie me bombay
me raps creëeren meer adrenaline dan je bijnieren
of met Robert Deniro bootje gon voarn up cape fear
tis lik daj e berg beklimt zoender beveiliging
k’serveren spicey raps lik bie e mexicoanse catering
ik doen men eigen ding, de flow, veels te rauw
ongecensureerde dope just lik Johnny Depp in Blow
Tis te vet, ik doen die shit zelfstandig
je meug men oarms amputeren mor, ik wordn noois onhanding
chiggedychecketut, ik geevn joen gin middelvinger
mor e vust, ent publiek bust lik bie jerry springer
kzien e king met cyphers lik ol wosk e kampioen in bingo
gin tweedehands raps mo toch ziej me deur de kring loopn
e brok ant freestylen of e 16e die moordend is
t’kut elk moment ontploffen lik daj midden in een oorlog zit
een openboaring, t’niveau bluft ossan stiegen
want me tekst is onderhevig ant effect van global warming
tektonisch ziek gedreven dus ik zetten nooit de plaat af
kzien et type machine die ze tekst verwerkt toet aanslag
Ok live droppen, surf ek up de hittegolf
en bring ek meer mensen in beweging dan klimaatmarsn
battle mc’s lat ek bleiten, int vervolg
ist lik of dad ol me punchlines geloaden zien met traangas
ik maakn rappers t’leven zeur ol addn zen reflux
me teksten bluvn helder lik of da ze zien gezeefdrukt
wien tracht er me te stoppen tis gin 1 die nu nog mee kut
ik loatn competitie tette achter lik e d-cup
kzien getraind int communiceren lik logopedistn
krappn zo visueel me punchlines zie fotogeniek
de pagina’s verzwiegen nix
me regels zie zo heilig da groeperingen ze proberen in de sharia te fixn
getraind int communiceren lik logopedistn
krappn zo visueel me punchlines zie fotogeniek
de pagina’s verzwiegen nix
me regels zie zo heilig da groeperingen ze proberen in de sharia te fixn
|
||||
9. |
Terminaal
04:19
|
|||
De media manipuleert je met de taal
mor up lang termijn zijn ol die fake termn terminaal
der zit kracht in uze woorden dat us allen ku gevangn zettn
en ik geloven nie mir in die zogenaamde vangnettn
ze zien der nie up ut voer us gezoend te maken
nie geintereseerd in je tmoment dan ze je oendervragen
en de bevolking zit met meer dan oenderd vragen
owe gin regering kunnen maken binnnen de driehoenderd dagen
tis lik of dat ze ant lachen zien met us
teurlik ist niet lastig oj komt ut e makkelijke thus
woarin dat alles voe je utgestippeld ligt en kloargestreken
mo daj zelve nooit nie kampt, met echte oardigheden
weken zoender eletriek,
of moandn an e stik moeten leven met e hoengerig kind
daj nie ku voeden omdaj nog zoveel betalingn moet inlossen
en oj wa te loate ziet ej kanse dan ze je zomo goan buttn shotn
toen ej teurlik gin verstand van werkelijke problemen
je ziet ant werkn voe’t systeem
dat us ollemale up globale schaal wiln controleern
en met de massamedia us massaal manipuleren
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
de politiek manipuleert je met de taal
mor up lang termijn zijn ol die fake termn terminaal
der zit kracht in uze woorden dat us allen ku gevangn zettn
moa, tis lik dat niemand em nog antrekt
twos upt kabinet van Geubels dan ze triomferend an voorspelt
“dat de leugen woarheid wordt oj em lange genoeg vertelt”
der is nie zoveel veranderd qua tactiek deurheen de joaren
mo methodieken en nu specifiekere gevoaren
tis gefinetuned, utgewerkt toet in de puntjes
tis quasi zo gesofisticeerd lik me punches
gesponsord, met wa internationale brunches
mor in essentie zient olene marginale kunstjes
ze kunt je nie upleggn of updringn, oj uplet, bewust ziet
van wuk gek gehucht daj gevlucht ziet
da lukt nie, ol liek et soms ol terminaal
ziew in stoat voer een eigen droai te geven an us verhaal
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
jen eigen, ego, manipuleert je met de taal
mor up lang termijn zijn ol die fake termn terminaal
der zit kracht in uze woorden dat us allen ku gevangn zettn
mor o we willen kunnen we sowieso us plan trekken
gebrandmerkt, men innerlijke vlam sterkt
me drang voe te breken ut et stadsnet
upt land met me handn in de groend, kgo want plantn zet
me bandn sterkn me moeder natuur, das wa dat langst werkt, belang et, de angst temt
zelfvoorzienigheid is juste
nog mor up et randje van et te classificeren als luxe
we zoen ollemaal moen proberen meer te connecteren
met us eten, uze kleers, woa dan ze ze fabriceren
just proberen voe de lokale marktn te assisteren
nie negeren dat de nelft van de wereld ligt te creperen
just proberen voer in goeie zaken te particeperen
in essentie kom et nere up 1 twuk: proberen
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
Pak et an, je televisie stik je best in brand
makt e plan, et meeste ej sowieso in hand
lat niemand je beroven van je soevereine woarden
want we moen us eigen waarheid vergoaren nu dat nog kan
|
||||
10. |
Vragen voet Verleden
04:03
|
|||
Yo Regi, tis ol te lange da we nog gesproken en
In feite nog wa langer dan de dag dak je verloren en
Tis nie dawe gebroken en, mo kweetn daj gebroken wos
Mo niemand ad gedacht daj ol gingk starten an jen overtocht
Tkwam ol zo plots, zoender waarschuwing of teken
Ken je noois nie kun vertelln wa daj voe mien echt et betekend
Ken je noois de road kun geven dak wou
En bovenol, kwoare te loate voe te zeggn daj up mien kost vertrouwn
Dak der gingn zien, want da wos tgene daj gie tmeeste nodig ad
E luisterend oor, die wist daj af en toe verloren was
Etwien voe mee te klappen, want je voent zelden gesprekken
Met betekenis, da snap ek, ot quasi olles zever is
Je wos geweun uniek, jezelvn
Mo niemand zag je woare ik, ook ik nie, dus kostek je nie elpn
Kvient verschrikkelijk, dak nie wa ouder woarn upt moment
Of meer bewust, van je situatie en predikament
Tdoe me zeer voe te beseffen dak je noois niemi goan spreken
Dat er nog zovele onbesproken is dak noois gon weten
Tis jammer daj de latste moandn olene et gezeten
Met olene mo de eenzaamheid voe tope mee te leven
Akket geweten, ak toene nog t’verschil kun maken
of wos ek nie in stoat voe wa warmte toe te voegen an je kille dagen
et antwoord gowe noois mi weten
want die vrage wos olene up te lossen int verleden
Soms zien we te loate
de klokke kuj nie zomo weredraaien gelik e ploate
voer iedereen die oois etwien verloren et ik voeln je
want ik weetn wat dat is ot iemand je zou plots verloaten
want soms zien we te loate
de klokke kuj nie zomo weredraaien gelik e ploate
voer iedereen die oois etwien verloren et ik voeln je
want ik weetn wat dat is ot iemand je plots zou verloaten
|
Phatmark Collective Belgium
Welcome to the Phatmark Collective Bandcamp. We hope you enjoy the music.
Streaming and Download help
If you like Eeuwige Student, you may also like:
Bandcamp Daily your guide to the world of Bandcamp