1. |
Gayatri
00:44
|
|||
2. |
B-Kant
03:06
|
|||
Soms is us leven nie te overzien
en kuw et hoofd nie biedn an emoties dien uze hoop ontnimn
elke gedachte is veroaderlijk, verachtelijk
gevoarlijk en te lastig voe te overwinnen
me dromen beginnen langzaamaan of te brokkeln
toet up punt gekomn dak moeite en met ol nere te tokkelen
want wien deelt er nog verdriet, angsten, oenzekerheid
ot heel de wereld juste mo met maskeroades bezig bliekt
mo kunt nie loatn, tis soms sterker of mezelvn
drop ek negatieve ploaten ol kuk niemand doamee elpn
zien me zinnen gemetst met troanen… en bloed ek ok ze nereschrieven
tis melig, kweet et, mo tis nu echt gedoan
met ieder intellect verroad tegen men eigen of de beat
te goan bedreigen lik of dak olene spitten vul me hoat
ik en der nimmer om gedoan… mo soms
ist mo juste tgene daj nie wilt bereiken daj ontwikkelt oender boane
oj de rit nie goe verstoat… t’leven is wankel
up elk moment kut kantelen in de richting van et kwoad
ol ziej geborgen deur e mantel van connectie en bestoat
de kanse quasie nie daj faalt, got et mis vo dajt verstoat
… soms ej lik gin controle over nietn
kuj nie winnen omdaj ook tijdens t’winnen je hele zoe verliezen
in dilemma’s.. in twiefels, in diepe smart
wordt et helder voe de reste mo ziej zelve zo verward
Soms is us leven nie te overzien
en kuw et hoofd nie biedn an emoties dien uze hoop ontnimn
elke gedachte is veroaderlijk, verachtelijk
gevoarlijk en te lastig voe te overwinnen
Soms is us leven nie te overzien
en kuw et hoofd nie biedn an emoties dien uze hoop ontnimn
elke gedachte is veroaderlijk, verachtelijk
gevoarlijk en te lastig voe te overwinnen
me strofes splintern open up e blad papier
soms ziej de woarheid oog in oge lik e valkenier
evengoed ist doenker, ziejt nie
voel je jezelvn langzaamaan verwelken lik de bloem in ET
ze zeggen dromen zien ook van echte woarde
dus worom brieng je nie stap voe stap je grote dromen in koarte
bedolvn oender kussens lig ek no de klok te stoaren
die passeert, hopend da we nog gin ochtend woaren
tevergeefs, de tied, kuj nimmer commanderen
dus ik voeln olwere twijfels in men innerste roteren
zodak sidderen en beevn bie’t gedacht an de dag
te moen beginnen, mo wa moeke verzinnen
zodat nie roar zoe zien dak nix doen
moek et mo simpelweg negeren of verspil ek zo me leven, de booth voelt lik e biechtstoel
ik wikken en ik wegen mo beslissingen kuk nie neemn
omdak nie weetn of dat ut goa moendn in iets goed
tis lik of dak nie zeker zien…. ik voeln me soms mislukt
up zoek achter geluk en no de beter tiedn
soms ziej gin eerste keus mo vaagt doa mo je reet an
want soms stoan de schoenste melodiën up de B-kant
Soms is us leven nie te overzien
en kuw et hoofd nie biedn an emoties dien uze hoop ontnimn
elke gedachte is veroaderlijk, verachtelijk
gevoarlijk en te lastig voe te overwinnen
Soms is us leven nie te overzien
en kuw et hoofd nie biedn an emoties dien uze hoop ontnimn
elke gedachte is veroaderlijk, verachtelijk
gevoarlijk en te lastig voe te overwinnen
|
||||
3. |
||||
Liggend in me zetel stoar ik no de grote wiezer
peizek were an de dagen, vroeger, chillend an den ijzer
met de moatn, tope, tgevoel loatn loopn
up de stroatstenen stoten, up rustige dagen hopen
nie te vele turbulentie, of ruwe consequenties
van uz acties, want ze matchen nie ossan uze intenties
en we leern, we volln, mo stoan ook telkens up
tis nie gemakkelijk je ossan binnen te werken in e club
upt schole zien der kliekjes, up stroate zien de bendes
je moe snel zien up de kieksjes en ook stoer tijdens ellende
de rush van uze wereld, zest Pascal is nie bestendig
tegen de prestoatiedruk dat us geheel en al omwentelt
gie tied mi voe nog kiend te zien oj olle dagen ouder wordt
en ol van kleins e verantwoordelijkheid up je schouders torst
nie voorbereid up et verkeer dat up je route komt
de boane no volwassen zien is af en toe e koele tocht
gift mie moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada, en lat me toch nog ff kiend zien
gift me moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada, en lat me toch nog ff kiend zien
liggend in de zetel stoar ek no de kleine wiezer
peizek were an de dagen, vroeger, chillend an e vijver
met de homies, tope, wa viben en ant smoken
up de mic kokend… mor up rustige dagen hopen
nie te vele miserie en evenredig gin hysterie
of komedie, gespeelde liefde is noois e remedie
voer e moat te oendersteunen, en woare aandacht zeldzaam
de contentroatie die verreist is bie chinese tellraamn
is zoek, ow olle 5 minuten up wad anders klikken
en zo gin klik mir en met zaken ot nie te whatsappen is
et zappen is geminderd, mor scrolln is quasi
e 2de natuur geworden van volwassen mensn toet an kinders
constant moen up de hoogte zien, e mening en
iets liken oj nog ergens wilt sociale acceptering en
tis osan wel e twuk, nie wetend wa da loater komt
de boane no volwassen zien is af en toe e zwoare tocht
gift mie moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada… en lat me toch nog ff kiend zien
gift me moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada… en lat me toch nog ff kiend zien
liggend in de zetel stoar ek no de beide wijzers
peizkek were an die dagen, vroeger, als verwarde tiener
met studenten, tope, us eerste jaren open-
bloeien up kot, mor up rustige dagen hopen
nie te vele dwoazigheden, of echte energie
in e facoade steken, up et punt gekomn dak up me moatn rekenen
voe me te steunen ok ik zelve in de pit zitn
te leunen up under kracht ot miene verre weggestript is
als 18joarige ist leven even magisch
als fataal, deterministisch, archetypaal tragisch
een eerste echt contact met realisme, of et feit
dat er een indringer schuilt in je eigenste maatschappij
grote broere, noois mir up jezelvn mor toucours
ligt de alziende mediacycloop up de loer
je zie gevloerd, nog ossa wit je nie wa dat er no je komt
de boane no volwassen zien is af en toe gin vlotte tocht
gift mie moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada… en lat me toch nog ff kiend zien
gift me moar e boek woa dak heel kun in verdwienen
e spel, e puzzel, misschien e tekening
tis om t’even, mo gif me boven olles mien ding
mien dada… en lat me toch nog ff kiend zien
|
||||
4. |
Verder van de bron
04:36
|
|||
doe jen ogen of je mist wat dat er goande is
of je klikt up iedere link da mo bestoande is
e held up internet, mor int gevecht nie zo gevoarlik lik
de mannen dien et gevecht en deurverkocht an echte zwoargewichtn
der zien niveau’s an dit, systeem van onbehagen
want voor dajt wit, et de massa angst ol toegeslagen
rattevangers doen e daverende job in koepels maken
fake veiligheid, uze ijdelheid is ongewapend
tegen propaganda, ze doen je zoetjes slapen
mo nog zoveel info genegeerd in de Dutroux verslagen
politiekers zien olene nog mo lobyisten
hobbyisten dien an ol de echte zaken under voeten vagen
polarisoatie… tis ol e geldspel
nie iedereen lat em vangn mo, meer dan den elft wel
de tied verstrijkt, et gif me koude rillingn
de grotste ziekte van vandage is verspilling
we verspiln tied, verspiln eten, we verspiln
zest uze bongo bons, omdat us nie echt ku scheeln
olles hedendaags is wegwerp, ossan vervangboar
inruilboar…bezighoudingstherapie
lat us netflixn en chil wegdrijven in de klauwn
van uze onderdrukkers in us opperste vulste vertrouwn
mo berouw komt voe de val, en lat us concluderen
daw upt randtjee van e filterdunne koorde balanceren
Ik snappen nie dat ol zo verre is kunnen komn
met elke stap daw zetten go we verder van de bron
vergiftigen de ziel… en tergst van ol
is dat de hele wereld t’wit, en nog de kudde volgt
Ik snappen nie dat ol zo verre is kunnen komn
met elke stap daw zetten go we verder van de bron
vergiftigen de ziel… en tergst van ol
is dat de hele wereld t’wit, en nog de kudde volgt
Houdt jen hoofd derbie, lat je niet zomo manipuleren
deur den overheid, of in de long run speel je de focus kwiet
die nodig is voe t’overleven in e zieke moatschappie
t’passeert us al zo vluchtig… mo nietn goat vorbie
der gon ossan gevolgen zien, das onbetwistboar
ol ist een utgesteld effect en nie onmiddelijk zichtboar
mo t’borrelt oender’t uppervlak, lat je nie misleiden
et angt ol in de lucht en de ratio bluf verspreiden
ze maakn kidz verslaafd an levensloze varia
gevangen vanaf den eerste dag, vanaf de eerste pagina
opt net, betoverd deur e hyperrealisme
gesterkt deurt promoten van individualisme
en ow us eenzaam voelen… gebroken
zien der genoeg prullaria te kopen in de webshops
die tijdelijk de leegte vullen… mo t’gat ook grodder maken
dus je moet de somme maken wat dat et je echt kost
ist juste geld daj spendeert, of spendeer je tied
of gif je stik vo stik je ziel weg an onethische bedrieven
fret je t’eten zoender voedingswoarde… en slik je bucht
en ziej gestopt met weerstand te bieden omdat lik nie lukt
past up woa daj mee bezighoudt
want ot je zoender reden bezighoudt ist er zeker e reden dat je bezighoudt
geprogrammeerd, ol je keuzes zien up voorhand ol gemakt
oj de gevoaren van t’systeem bluft oenderschattn
Ik snappen nie dat ol zo verre is kunnen komn
met elke stap daw zetten go we verder van de bron
vergiftigen de ziel… en tergst van ol
is dat de hele wereld t’wit, en nog de kudde volgt
Ik snappen nie dat ol zo verre is kunnen komn
met elke stap daw zetten go we verder van de bron
vergiftigen de ziel… en tergst van ol
is dat de hele wereld t’wit, en nog de kudde volgt
|
||||
5. |
Nie meer dan e moment
03:52
|
|||
Soms schrief ek lik e ketter die’t geloof wil crashen
overdrieven zelden mo kzien letterlijk de dood ant testen
met dak zoveel strofes metsen
ik goan up zoek nor iets daj nergens ofte nooit ku treffen, zoveel meer dan dak ooit
met e tekst of metafoor kunnen etsen, of met et woord kun schetsen
nog meer dan da tovi ku verzen met emotie matchen
werp ek me up taal toet dak men noties scherpen
en dak ol de letters int verhaal toet e segment in me betoog verwerken
ergens in men hoofd ontwerp ek droomprojecten
werk ek onverbogen verder zo dakke directer en bewogener
de werking en de stroom van me methode sterken
zodak werkelijk e nieuwe wending in me focus merken
soms goat lekker… mo tleven is gin wekker
woa daj efftjes ku t’verloop resetten, dus tracht ek
als introspect de trends en de patronen in me levensloop te ontdekken
die me nekken ok verstrekken en nie echt an me persona werken
wien maalt er nog om rappers dien et nodig en
dan ze uprecht gesproken en met de stem de hoop upwekken
ken gin aurool da merk je.. mo kzien verbeterboar
dus ek etwad in d’oge ek direct e redenering kloar
en tackel ek met veel effort t’defect da in me wezen stoart
zodat gedrag dak stellen me upgedoane kennis evenoart
olles et e reden moar… kzien e redenoar
redens genoeg dak rede integreren in me levensvoart
soms ek gin tied, voe de zorgen an me kop
soms ek gin zin in de morgen die moe komn
soms ek gin tied, voe meer da e moment
met e beat, wa papier, men emotie en me stem
soms ek gin tied, voe de zorgen an me kop
soms ek gin zin in de morgen die moe komn
soms ek gin tied, voe meer da e moment
met e beat, wa papier, wa scratches en e jam
Soms schrief ek lik e dichter die de woorden mist
of lik e troep soldoaten die temidden in een oorlog zit
of lik e fotograaf die wacht up flitsen van et noorderlicht
of klimmers die upt midden van e richel zoender koorde zittn
ossan ergens tussenin lik e verloren gift, kzien
tmeeste chill up plekke woa dak noois gewist, zien
men innerlijk kompas is hectisch
die not noorden mikt mo t’zuiden wijst in wisselende richtingen
chaotisch, e verschrikkelijke lichting an emoties
drippelt nere upt moment dak ik de dood in oog zien
tis chronisch, vaneerste ki gehooked toet overdosis
ken de penne oois gepakt en ol de reste is historie
ik en gin inventorie toet me eigen catalogus
gin echte werkwijze, dad is eigen an de modus
dak de flow pas loaten komn ot komt, forceren is nie logisch
zeker nie int magnum opus van me levensceremonie
letters zetten is et enigste da veilig voelt
in e verdorven wereld woa da geld geldt als heilig doel
ze zeggen: trekket je nie an kerel, play it cool!
mo me geweten volt nie te corrumperen , ok ijzig koel
doen ist omdat ier vaker kil en onverschilig is
verspilling de reden dat olles zomor in te wisselen is
ook partners en relaties, want niet is nog e hindernis
voe menshn in e plek woa dat er ossan nog wa hipper te bezitten is
gif ze vergiffenis…
soms ek gin tied, voe meer da e moment
met e beat, wa papier, men emotie en me stem
soms ek gin tied, voe zorgen an me kop
soms ek gin zin int refrein da nog moe komn
soms ek gin tied, voe meer da e moment
met e beat, wa papier, men emotie en me stem
|
||||
6. |
Endeloze Loop
03:24
|
|||
Tis weer van dadde, da voel ek, der is gin motivatie
gin reden voe nog up te stoan, der is gin destinoatie
die ku geven wa dak nodig en, ik zien gin route mi
up dagen lik vandage ist lik ollemaal genoeg gewist
kmissn e drijfveer, want nietn et nog woarde
dus ik stoaren in de leegte en ik ijsberen
kzettn dezeste stap wel honderdmaal te reke
en dus ist azo dak ip me tocht geen meter avanceren
me leven lopt in cirkels, wuk moek nog doen
ok nergens nog betekenis kut ontwarren, woar is de clue
woarom zit ek were vaste in die endeloze loop
woarin dak juste mo bewegen voe de leegte nie te voelen
tis weglopen vant moment
gin plannen mir in de toekomst, en int heden zie’k ook hele nie present
kzitn etwoashn tussen nu en nergens en da suckt
want up die plekke vien je zelden een ingrediënt voe geluk
kzie me bewust, dat juste in me hoofd bevient
e dorre kale plekke woarin dat er niet van droom ontkiemt
en fuck e droom, zest de geweune zaken lukken die
en stress is nie de oorzaak, ik zien de grote druk voorbij
de zaak is nog veel erger, kvoeln me kapot
omdat er van de zaken dakke anders kosten nu nix got
tis raar oe dat soms lopt, kadn oois gedacht dak
der volledig of woarn, dat die zever was gestopt
mor om de zoveel moandn ist lik weer van da
en zit ek in d’omgeving vast, gin redekracht of vreugde up me levenspad
der is e rek vul me spullen, mo gin beterschap
dus doek in feite nietn, omdak anders nie weten wa
tliekt zo nutteloos voe’t ol up me papier te smietn
tis lik of dak gin reden vien woarom dak ier zoe zien
tis lik da olles dak geleerd en deur de joaren
plots ze woarde is verloren, en tvol nie te verkloaren
tis lik wachten up men utvoart
et enigste dak ik up dit moment kun is doelloos vo me utstoarn
tliekt overdreven mor oj kampt met zukke foasen
zien der weinig wijzes waarup dat een oplossing ku noazen
geliek wien dat er komt, tzeg me nietn
gin zin mi voe te winnen omdak me der toen in verliezen
gin zin mi voe te werken an e passie of e droom
ok in et heetst van de strijd ol me passie ol zien verloorn
wuk moek nog schrijven, wien ist er nog geboat
bie me geklaag, wien wit er wel waarover dat et goat
en wuk peiz ek te bereiken met et schrijven van e tekst
die in essentie nie ku inspireren en ook weinig zegt
up dit moment vien ek alvast nietn van antwoordn
voe’t soort gevoel dak in men en ist er niet echt e klank voorn
juste de leegte komt e bikken in de buurt
mor oe kuj leegte vangen ot e gevoel is da oneindig duurt
tbestoa nie in de tied, tis juste mor e flauwe ofspiegeling
van tgene da me helegans verziekt
tis lik of dak obstakels sowieso niet kun ontwijken
en dak achter ol die lange joaren nog niet kun begrijpen
wat dat is, da me nu pakt en quasi hele zot makt
et enigste dak kun herkennen, dad is de onmacht
die zorgt dat wa me omvat, me hele absorbeert
me leven is lik een abonnement dat wordt geannuleerd
|
||||
7. |
Faalangst
03:27
|
|||
succes is gin vereiste voe te komn toet e bezinning
fouten zien nie meer dan foases in e overwinning
struikelen is de motor van echt bewegingsvrijheid
elke keuze is nie meer dan e specifieke beslissing
woorden zien nutteloos ot echt actie nodig is
oe dichter bie etwien oe meer daj vatboar ziet voe groot gemis
twijfelen, is vaak nie meer dan zicht en up e grote pit
en de gepoarde angst voe nie te landn woa da je zo up mikt
falen is soms ook datgene bereiken
da vooral nimmer verwacht wordt of pas goa loater blijken
verdrinken elpt je beter van de stroom te begriepen
en oj nie volt kuj ook up nie upstoan of nieuwe hoogtes bereiken
de ups en downs zien e deel van us bestoan
oe minder dawe… weten, oe meer da we verstoan
en der is gin uplossing we kunnen olene bluvn goan
want tis de val die der voe zorgt da wieder leren up te stoan
et gin benauwd van de fouten da je makt
tzien kansen voe te groeien, dus vertrouw mor up je pad
lat olles voln da je nie rakt
en doet et rustigan…. zodaj nie moe benauwd zien van de stap
et gin benauwd van de fouten da je makt
tzien kansen voe te groeien, dus vertrouw mor up je pad
lat olles voln da je nie rakt
en doet et rustigan…. zodaj nie moe benauwd zien van de stap
succes is gin vereiste voe te komn toet reveloatie
ervoaring doe je meestol up tijdens de situatie
e tegenslag ku vaak de reden zien toet motivoatie
ieder falen is e ook e blijk van gemeende participatie
doaden zien nutteloos on warme woorden nodig zien
soms is e kort gesprek een opener voe schone tiedn
mo babbelen elpt nie echt ow in us eigen zinnen verloren zien
dus, spreken we lichaamstaal vanaf da we geboren zien
faalangst is zelfvertrouwen die oarzelt
olene deur nie te proberen ziej gesjoareld
de slichtste keuze ist er 1 die nie gemakt is
en oj moe kiezen, kies je t’geen die bie je hart ligt
e gebrek is soms nie meer dan achterstalligheid
e blunder is et voegsel die successen in balanse kriegt
e floater is afhankelijk van tijd en perspectief
dus ookol mis je soms, gojt meeste missen oj de kans nie griept
et gin benauwd van de fouten da je makt
tzien kansen voe te groeien, dus vertrouw mor up je pad
lat olles voln da je nie rakt
en doet et rustigan…. zodaj nie moe benauwd zien van de stap
et gin benauwd van de fouten da je makt
tzien kansen voe te groeien, dus vertrouw mor up je pad
lat olles voln da je nie rakt
en doet et rustigan…. zodaj nie moe benauwd zien van de stap
|
||||
8. |
Hieros Gamos
02:00
|
|||
9. |
De avond van us leven
03:51
|
|||
wien wit is olles mor e lange droom
en zien de troanen van oenderweg in feite kleine anemonen
in wording, omdat in 2 richtingn ku verlopen lik e palindroom
ist er verwarring over uze vorming
wuk got er van us komn? en woarom
zijn die vragen prangender dan ooit, utgedrukt in vernieuwd jargon
elke tijdsgeest et zen eigen woordenboek
en identificoatiemechanismes
-ismes, us, relativisme is nie groot genoeg
en thus ziewe nie, mo thuskomn is nooit te vroeg
e celestiele reize met wat binnenboanen
en tussenstops, woa da we olemaal voe d’overwinning goan
in competitie met us zelfbeeld
de grotste tegenstander is e ofgeslepen rolletje daj zelf speelt
we zien blind voer uze eigenste proporties
en kweetnt omdakke met momenten zelve voe comfort kies
ok eigelijk moen anders reageren
e lesse integreren, want tzien de ups en downs die us letterlijk proberen
ut te leggen dat de echtheid in us leven
komt ut snappen woarom da we lik e pendulum bewegen
tis lachen, want soms ist lik of daj nie eens vorutgrakt
dat de reflectie in de spegel je olene utlacht
dat olles up ze plekke volt, en dat et toch nie utmakt
e lange droom woa daj nie azomo in of utstapt
wien wit is olles mor e lange droom
en worden w’oois wakker in de avond van us leven
is olles juste mor e klamme stroom
en is verdrinken logisch ookol wapen je der tegen
wien wit is olles mor e lange droom
en worden w’oois wakker in de avond van us leven
is olles juste mor e klamme stroom
en is verdrinken logisch ookol wapen je der tegen
Wien wit is olles mor e lange droom
e ploate die oneindig bluft bewegen op e grammofoon
e sterre die bluft roteren met weinig zicht up astronomen
misschien is uze levensweg nie meer of e verpakt atoom
wien got zeggen, en woarom zoej da wiln weten
want de meest verrijkende dromen, zien meestol nie lucide
dus, ook ol ej de handeling nie echt begrepen
op gevoel kom je toet kennis van je woare archetype
probeert geweun te volgen int verhaal
ik leern voral van et verleden voe de geschiedenis nie t’herhaaln
ik jongleren met de dagelijkse taken
proberen nog een extra duw te doen want t’resultoat is zaligmakend
olles da rust roest,
in den avond pluk je vruchten van wa daj smorgens bewust doet
start je dag met e lach, zo daj ossan terugspoelt
nor e moment woa daj oprecht et genot van geluk voelt
tzien woorden dak mezelvn af en toe meer moeten anklappen
geloven in me doen en in me kunnen zoender dak angst vatten
gin twijfels of onzekerheden die me up de rand platsn
e woar contact , zoender dak moen anpappen
want soms ist lik daj zelden avanceert
daj bie de kleinste zaken e gevangenis van angst creëert
dat nietn liekt te lukken ookol ziej nog zo gebalanceerd
e lange droom die pas bie’t wakker worden ze belang offreert
wien wit is olles mor e lange droom
en worden w’oois wakker in de avond van us leven
is olles juste mor e klamme stroom
en is verdrinken logisch ookol wapen je der tegen
wien wit is olles mor e lange droom
en worden w’oois wakker in de avond van us leven
is olles juste mor e klamme stroom
en is verdrinken logisch ookol wapen je der tegen
|
||||
10. |
Ik en gie
04:00
|
|||
Ik zakken, verder, weg in me gedachten
olles int leven ist weird voe voe te wachten
geduld loont, we zien nie ossan bie machte
et tij rapper te keern, doar emme gin geduld voorn
menshen zien vree simpele wezens
enkele ankerpunten oeden elk van us in leven
we goan goan slapen met miljoenen tegeliek
en we eten dagelijks dezeste seizoensgroentenmix
aka killo’s suker en junkfood
mo ken e jagerverzamelaarsinstict
dus wu kunk doen, ot de drang vanbinnen nie te verbreken is
of omdak beter weten mo dat s’avonds ol vergeten is
ken nood an rust en relaxoatie
gin druk en onbenullig upgefuckte conversoaties
ik wiln rust, de ruimte voe mezelf ruimte te geven
en de tijd, voe stap vo stap
te reflecteren zoender spijt, van wa dak dacht
of wa dak deden in den tied, dak in klasse zat
de jonge joaren zien voorbie, ken der massas g’had
mo nu ist juste ik en gie, toet an t’latste blad
dak oois gon vullen met een onmetelijke loading pure rauwe inspiroatie
dus van ier ut moek vertrekken nor e volgende destinoatie
want dad is de situatie, doa kuj nie van oender ut
ofja, misschien wel, moa oed da mor oender us
Geliek wien dat ook is et go vorbie
ik leern ut me fouten ookol peizek soms van nie
us leven is met ups en downs
mo fuck die ander zever voe’t moment ist toch mo juste ik en gie
Geliek wien dat ook is et go vorbie
ik leern ut me fouten ookol peizek soms van nie
us leven is met ups en downs
mo fuck die ander zever voe’t moment ist toch mo juste ik en gie
de zoende krupt up plekken woa dat ie nie goan kan
mor ook nie elke deugd is e goeie roadsman
dus ziek voorzichtig met me keuzes
nie ossan evenwichtig mo gericht up innerlijke levensvreugde
wa minder stressen en wa minderen bestuderen
wa meer beslissen, en rapper anticiperen
ot de dag der omme vraagt, nie in twijfel trekken
reageren up de situatie zoender tijd te rekken
ewe zo ollemale nie van die verlangens
voer et beter te doen, ol ist dat er weinig verandert
want us leven is goed, zolange dat er nix verandert
en der weinig schamte is oj pathologisch lanterfantert
“got an de kant”, “ut me weg”, want azo riedn we int verkeer
mo soms ek et gevoel dat et em nie beperkt
toet de mobiele interactive, want up de tocht des leven
kom je in de ruwste bochten sowieso veel zotten tegen
en tis ossan druk up boane, dus wachten up e goe moment
is even effectief lik rechte smieten met e boomerang
tis e vicieuze trajectoire da vo je neuse ligt
je hele toekomst balt em tope in elke gebeurtenis
pakt je beslissingn, nix mis met vergissingen
we leern ut de fouten veel meer dan ut overwinningen
doe nie mee met de ontginning, mo lat je zelvn intact
exploreert en ontdekt toet de allerlatste dag
Geliek wien dat ook is et go vorbie
ik leern ut me fouten ookol peizek soms van nie
us leven is met ups en downs
mo fuck die ander zever voe’t moment ist toch mo juste ik en gie
Geliek wien dat ook is et go vorbie
ik leern ut me fouten ookol peizek soms van nie
us leven is met ups en downs
mo fuck die ander zever voe’t moment ist toch mo juste ik en gie
|
||||
11. |
Sneeuwdruppels
04:01
|
|||
Aangenaam, mien naam is Samoerai moest jet nie weten
fysieke oenger ken ek nie, kzittn noois nie zoender eten
ken e dak boven men hoofd en iemand die me gern ziet
olle dagen verse kleren, dingn woa dak kun van genietn
kzie gezegend, ke weinig moeite ok moetn studeren
en kzien redelijk succesvol ok etwa voe t’eerst proberen
kgraakn rappe ut me woordn, k’kun zeggn wa dak voeln
en vien de steun dak nodig en ot leven me zoet overspoelen
ken moatn, familie, menshn dak vertrouwen
e brokke kennis woa dak ossan verder up kun bluvn bouwn
ken groenten ut me hof, men eigen bibliotheek
wa beesjes woa dakt leven mee meugen deeln en dingn beleven
die humaner zien dan de gemiddelde mens hedendaags
k’en ruimte voe te groeien, kun veel met weinig slaap
ken e moksje ut de 7 miljard, en ken e zeune
die me toont dak olles en wa dak nodig en, ik en peune
en ik weetnt, ken zoveel meer dan dakke soms beseffen
ik en water ut de kroane en ken electrische netten
in me kamer die me kot vorzien van stroom, met schakeloars
meer luxe dan bij antique verzamelaars
zuurtstof voe te oasemn, vrije energie
ok wiln sportn gok gon sportn, willek nie, toe sportek nie
der is kennis voe te rappen, mensen te ontdekken
der zien plekken te aanschouwn, gedachten te verwekken
der zien liefdes dien ontluken, der is ossan tied
en ik zien zelve beslissend over men innerlijke strijd
Ik zien vrie, lik e veugel, olene mo gevangn
deur men eigen ego en de oltied woekerende drang
ken olles wa dak willn, en nog e beetje meer
kzien gelukkig niemi ziek en k’oendervien nog weinig zeer
in vergelijking me’t verleden, ik zien gezegend
ik en olles dat e mens nodig et voe te overleven
Sneeuwdruppels, gevangen in paradoxen
ik en olles voe te leven, en tet niet moeten kosten
tis me gegeven up e dienblad
mo tegelijkertijd, krieg je int leven nietn voe niet behalve
Sneeuwdruppels, gevangen in paradoxen
ik en olles voe te leven mo ken der ook moen voe boksen
kent gegrepen lik e vlage inspiroatie
elke reactie onstoat uit een actieve motivoatie
Aangenaam, me naam is Samoerai moest je’t nie weten
ik werken olle dagen in men hof zodak kunnen eten
wen ol 11 joar gewerkt voer een huis nor uze smake
zien nog ossan ard ant werken zodak kleren zoe kun dragen
ken gelezen, ol meer dan duizend boeken in me leven
kzien constant up zoek voer andere zaken te proberen
ken ol zovele geschreven dak me woordenschat gevoen en
kbiedn menshn steun op de momenten dan zet moen en
ik liegen nie, en geevn moatn me vertrouwen
kproberen stelselmatig an men eigen tempel te bouwen
kverbouwn groenten, fruit, ken beesjes dak vertroetelen
ken boeken zitten zoeken ook ol wos de route troebel
kproberen van me best te doen tegenover anderen
getraind voe de rust te vien en me houding verander ek
ik houdn zielsveel van me vriendinne
en me zeuntje lat ek lachen ol vertel ek soms wa weinig dinne
en kweetnt, ken vele, mo kdoen der ook me best voorn
ze zeggn soms dat geluk is en das ook echt zo
gelukkig dat geluk, is, mor oj geluk wilt en
en dat lukt, wa daj wilt te doen, toen moej der ook voe werkn
der zien keuzes da je makt, mo de menshn zien de hossle nie
ze zien je met de zaken daj et, mo kennen et offer nie
der zit iets in aj niemi doet lik of daj et slacht-offer ziet
mo deur de joarn beter wit, en grodder ziet
we bouwn us leven up met elk woord of gedachte
elke keuze dawe maken stuurt us up de route damme
kun beloopn, tangt vaste an mekoar lik bie e ketting
et ene zorgt voe tandere, dad is e strikte werking
noemet oorzaak en gevolg, karma, noemet lot
noemet oe daj wilt, mo tis er en dus ist zo dat verlopt
elk gemis en elk verdriet en ook de pien dak kennen int leven
is deur mien, deur men eigen, nie etwa dak en gekregen
mo gegrepen, gecreëerd, via’t vlindereffect
vanaf men eerste ademhaling angek vaste an de rest
ieder kut moment ek ik zelve berokkend
iedere negatieve vibe ek dus zelve weten t’ontpoppen
mor et omgekeerde is ook woa, dus zie mo zeker
daj int leven kriegt wa daj up ander plekken et gegrepen
tis e schakel van emoties, gedachten en van woorden
en kzien dankboar, voe olles, dak ooit ol zien verloren
want ook olles dak gekregen en komt ut et zeste vat
ieder keuze is e keuze dak zelve en gepakt
dus ik wiezen just me vinger no me zelvn voe me fouten
voe de slichte dingn dak oendervien en et slichte vertrouwen
dak ervoaren, kzien de schepper in men eigen leven
ik weetn dak ol vele zaken zomo en gekregen
mo das omdak en gegrepen, en ejjet nie begrepen
komt me toen de volgende ki daj me ziet derover spreken
|
||||
12. |
Alpha Privativum
04:30
|
|||
ik zien e dierevriend, kvoeln e connectie met de beesten
k’kun me hele overgeven op bepaalde hip hop feesten
kzien e fan van de muziek die me ku raken in me kern
ik kun me fascineren over zworte goaten in et cern
e sutra van Patanjali ku me geheel toet rust briengn
tis pas tope met me homies dakkke kunnen geluk vien
de groenten ut men hof, geevn me voldoening
ik kun rappe teksten schrievn mo ze moetn up t’gevoel zien
de regels van e virtuose schrieven imponeren me
de woorden, van e mens da zeer et breken me
tis up de zeemzoete jazz van Melody Gardot
dak klimn ut et panopticon lik bie et lezen van Foucault
de specifieke geure in de hoaren van me koater
doe me smelken lik up warme dagen douchen me koud woater
ik houden van et leven en de moeilijke momenten
want ze stellen me in stoat voe ook et goeie te ontdekken
ik zien verliefd op de lach van me vriendin
as ze straalt en eur gelukkig voelt up plekken diep vanbinnen
kzien dankbaar, da ze me ol die joaren ol ku dulden
dak toet snachts boeshido crashn, mo de middenweg is gulden
menshen lik Paul Stamets geevn me de hoop
dak nodig en voer in e schone toekomst te kun geloovn
en tzien de dingn da m’inspireren dak met junder wiln bespreken
an de rest giv ek ik gin aandacht mir en kvoeln me veel beter
Bepaalt je leven nie volgens e privatieve a
een alpha privativum is e negatief verhaal
identiteit moej kneden ut et gene da je ziet
nie de zaken woarin da je nietn van jezelvn vient
Bepaalt je leven nie volgens e privatieve a
een alpha privativum is e negatief verhaal
identiteit moej kneden ut et gene da je ziet
nie de zaken woarin da je nietn van jezelvn vient
ik geevn aandacht an de zaken dak zelve representeren
nie ant omgekeerde, woarom zoek me tijd doar an verspeeln
kleggn focus ut e goeie, up wa dak in geloven
nie up zaken die me van me positiviteit beroven
dus vermeld ek ik me helden, die me stimuleren
ol vermeld ok ook de hel, mo dad is nodig voe te leren
ojt op afstand ku beschouwen en resoluut relativeren
ist ook nodig, zolange daj nie begunt typeren
of daj tracht te identificeren ist opzich ok
up de hoogte zien, mo doarom kiek je nog nie nere
up een ander of iets anders woa daj nie mee resoneert
lat et voaren, gift je liefde an wat daj mee connecteert
gin privatieve a’s, gin asociaal gedrag
of apatisch, aversief, olle a’s kom up men af
mo tis om t’even, up dit moment lat ek ze mo paseren
gin negoatie’s mi olene nog negoaties gok negeren
Bepaalt je leven nie volgens e privatieve a
een alpha privativum is e negatief verhaal
identiteit moej kneden ut et gene da je ziet
nie de zaken woarin da je nietn van jezelvn vient
Bepaalt je leven nie volgens e privatieve a
een alpha privativum is e negatief verhaal
identiteit moej kneden ut et gene da je ziet
nie de zaken woarin da je nietn van jezelvn vient
|
||||
13. |
We bluvn droomn
04:00
|
|||
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen met us hoofd hoog in de wolkn
peizend over de rol da je int leven wil vertolkn
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen van e toekomst zoender herrie
en e ofkeer tegen recurente nachtmerries
Martin Luther at e droom
dat we oois ging verlost zien van ol die destructieve patronen
de oendergroendse spoorweg is noois volledig boven groend gekomn
de lijken angn nie utgestald mo menshn voeln ze nog
de Storyvilles zien utgeblust en lang vergeten
ik zoen Wikipedia kun reciteren
ier menshn portreteren, verzeken 1000en slachtoffers
mo das enkel opsomming van iets in et verleden, das nodig
want int heden leef et verder, mo kzien doa de juste mens nie voorn
ik doe men ook nie voorn lik een ander, ik oorn
wat ze zeggen en verandern men opinie
enkel mo up basis van me gevoel, en vrije intuïtie
dus, bie deze, wit ek ik me plekke int gesprek
oedek m’idder an de kant, stoarend in e blinde vlek
mo k’proberen met etwien oenbekend te empathiseren
en dast beste dak kun doen, geliek wa dat er komt
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen met us hoofd hoog in de wolkn
peizend over de rol da je int leven wil vertolkn
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen van e toekomst zoender herrie
en e ofkeer tegen recurente nachtmerries
Angela Davis at e droom
da we oois ging verlost zien van ol die destructieve syndroomn
de oendergroendse spoorweg is noois volledig van de rails gekomn
de boerderij van Valentijn is stelselmatig stil gekomn
we trappen hedendaags nog ossan in de val van Mingo
we moen roadn achter uze woorden lik bie e spel lingo
owe zaken confronteren, benauwd van vrije geesten
doarom daw et kaf van et koren kappen omdaw vrezen
voe twa nieuws, verandering et zelden compagnie
van et comfort dat nodig is deur de verandering te bietn
dus we stoppn, en zien benauwd van olles da nie past
in us gelimiteerde beeld daw van de wereld en gemakt
mo bie deze, gif ik et gretig toe, ik en ook last
voe me an nieuwe situaties an te passen,
mo de kracht die doar onstoat, is grodder dan de kracht die in je zit
up et moment daj nie verandert dus geliek wa dat er is
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen met us hoofd hoog in de wolkn
peizend over de rol da je int leven wil vertolkn
We bluven dromen just lik Martin Luther King
volgens mien part, doet iedereen geweuneweg ze ding
We bluven dromen van e toekomst zoender herrie
en e ofkeer tegen recurente nachtmerries
|
||||
14. |
Concentrische spiralen
04:25
|
|||
je ziet et nerevoln in bodemrijke groend
twordt gevangn deur de wind en geslingerd in et roend
toet dat landt, up goe land, nie lange lanterfant
mo van dad eerste ruwe contact ze woare oard omarmt
up zoek no nutrienten, no kleine mineralen
en speciale ingrediënten nodig voer et startsignaal
H20, de bron van olle leven
is in evenwicht nodig zodat t’leven in da zadje zoe bewegen
en ontploffen, ontspruiten, en rustig wortel schieten
e vertakt systeem creëren da gericht is nor olbuiten
e gunstige relatie me bacteriën en schimmels
en de reste van de rit is even simpel
brekend deur de oppervlakte zoekend achter licht
achter warmte, dus ist ie no de zunne gericht
zen eerste echte blad briengt em de nodige proceskracht
toet dat ie plots torent en de andere plantjes wegzakkn
achter wa tied zien der riante blitse bloesems
en gezoem, van hommels dien et verse pollen proeven
en vervolgens, de vrucht in e verharde joenge stoat
die vul zit met antioxidanten en met hopen zoad
de zunne doet em blozen, ne zoe kun veugels voeden
toet up tpunt, dat de tak em niemi langer kut oeden
en dat de rijping is voltooid, t’process is afgeroend
vanaf dat de vrucht zezelvn et verwijderd van de stroenk
je ziet et nerevoln in bodemrijke groend
twordt gevangn deur de wind en geslingerd in et roend
toet dat landt, up goe land, nie lange lanterfant
mo van dad eerste ruw contact ze woare oard omarmt
der zien der nie zo vele, tis ossan tzeste zadje
dezeste grond en bijgevolg meestol et tzeste plantje
de cyclus is oeneindig, deurheen de atmosfeer
dus ieder zadje, plantje, beestje, mens is g’interconnecteerd
t’droait ollemaal in cirkels, concentrische spiraaln
t’gevoel van jen omgeving wordt verwerkt in je verhaal
tis ossan weer uniek, eenmalig of speciaal
mo tegliekertied, ist e patroon die em herhaalt
t’droait ollemaal in cirkels, concentrische spiraaln
t’gevoel van jen omgeving wordt verwerkt in je verhaal
tis ossan weer uniek, eenmalig of speciaal
mo tegliekertied, ist e patroon die em herhaalt
je ziet em upgroeien in e rusteloos gezin
mo nietn die em stopt, vanaf ze eerste vulle zin
spreekt ie boekdelen, t’leven deur de ogen van e kind
die nog nie wit wat dat de toekomst em nog ollemale briengt
up zoek nor informoatie, no kennis en creatie
hongering no e gezoende en gepaste stimuloatie
ant flirten met de grenzen van de communicoatie
ist ie em ant vorm, in reloatie toet ze situatie
ze lampe goat ant brandn, int schole ist ie mee
ol is nie ieder vak ze ding et ie wel meestol een idee
ze matjes en vriendinnetjes vien em e coole pé
mo bie em thus vien z’em up ze best gemoatigd of ok
achter wa tied lat da ze kloven in de vlakte
en bie’t ouder worden, wordt ze ze situatie thus ze zwakte
t’moment dat ie olene wilt go weun, en dat lukt
dat ie e meisje vient die tope wilt up zoek goan no geluk
got et mis, net noois geleerd van liefde te ontvangen
of der te geven, ofja ffkes, mo vaak voe nie te lang
ze kriegn tope e kindje, e lach, e glim
mo der zien pitten woa dat lastig is voe zomo ut te klimn
dus je ziet em upgroeien in e rusteloos gezin
mo nietn die em stopt vanaf ze eerste vulle zin
spreekt ie boekdelen, t’leven deur de ogen van e kind
die nog nie wit wat dat de toekomst em nog ollemale briengt
we zien ier me zoveeln, mo voeln de zeste woede
we zien dezeste zunne en we voeln dezeste koede
de cyclus is oneindig, deurheen de atmosfeer
wat dat em ooit et ogespeeld et kanse te reïtereren
t’droait ollemaal in cirkels, concentrische spiraaln
t’gevoel van jen omgeving wordt verwerkt in je verhaal
tis ossan weer uniek, eenmalig of speciaal
mo tegliekertied, ist e patroon die em herhaalt
t’droait ollemaal in cirkels, concentrische spiraaln
t’gevoel van jen omgeving wordt verwerkt in je verhaal
tis ossan weer uniek, eenmalig of speciaal
mo tegliekertied, ist e patroon die em herhaalt
|
||||
15. |
Succes zit in successie
04:00
|
|||
t’leven dumpt us soms in barre situaties
mor e diep dal is vaak e kanse toet e transformatie
vernieuwt jezelvn, wachten briegnt je zelden innovoatie
want succes zit in successie en we groeien deur de reloaties
da we vormn, we voeln us vaak bedrogen
zien e bron van inspiroatie mo toch liek et woardeloos in eigen ogen
we zien zelden de betekenis dam en
zoen us oenafwendboar verliezen tussen ol de botte stemmn
in us hoofd, de druk voe te presteren werkt verlammend
en verdovend, zeker ot er weinig man in je geloven
je zelve nog de grotste skepticist ziet die twiefelt
of daje wel in stoat ziet voe je zelfbeeld bie te beiteln
soms is de tied nie meer dan zout in open woendes
en oe kommet damme soms deugd voelen bie uze zoendes
we willn, wa damme willn is bijzaak, we willn
en goan ook olles der an doen voer us verlangn nor iets te stilln
nim jet me kwalijk? kzien ook geweune vlees en bloed
up zoek nor e maniere voe te leven die gin zeer mi doet
en soms, zien der van die wegels daj olene moet
trotseren en proberen los te loaten wat daj t’meeste zoekt
we leern pas de haat kennen achter verliefd te zien
zien zo verliefd daw olles haatn da nie up uze liefde liekt
tis roar e, we haten soms zo zwoar
da we verliefd zien up de haat up et moment da’t gehate verlies ervoart
oe zoew toen trachtn van die zaken ooit te snappen
on we us bie elke trede up e fout stap betrappen
on we peizn, gedachten en mo woarde in e context
kzien nie up zoek no shortcuts, mo peizn is de omweg
tis goan, doen, ol zie je zo utstekend geniaal
ist er e grote kanse daj nie wordt begrepen
talent is overschat, et enigste da telt
is daj de dingn doet da jen erte tegen je vertelt
Lat je nie doen, stoa rechte voe jezelvn
gie ziet de persoon die je et best kut helpen
lat je nie kennen, doet elke ki je beste
want tleven got noois stoppen met us te testen
lat je nie vangen, ziet ossan up je hoede
en tracht de boas te bluvn over stress en woede
lat je nie doen, ol liek et tevergeefs
ist ossan de moeite da je et tenminste wilt probeern
t’leevn dumpt us soms in barre situaties
mo we zien der up voorzien via acclimatisoatie
we veranderen en passen us an, in correloatie
met tgevoel dat in us zit, azo bluvn we in rotoatie
dus gift nie up van eerste ki, je makt progressie
tis erhaaln dak doen mo succes zit in successie
tis d’herhaling van e handeling die leidt toet de impressie
van talent bie elke stap verbert je connectie
met etgene daj ant meesteren ziet, das de verkloaring
dat nie ossan goat om skills opzich, mo de ervoaring
deur de joarn die em upstapelt en iets concreet vormt
nie upgeven is de sleutel toet compleet komn
want kzien 33, up me voorhoofd ek rimpels
kzien joengk van geest, k’kun mien da veroorloovn
kbedoeln geweune ma
ik voeln me nog ossan e leerling in elke discipline dak betrachten
en peist nie, dat er met verlichting niet ku misgoan
want oje in de zunne stoat wordt je schaduw zichtboar
dus lat je ook nie vangn, an perturboatie
t’succes van die successie is verboendn met moderoatie
dus zoekt balans ol moej soms weg en were wippen
met e consistente houding zit je rappe weer int midden
gift nie up, vulharding is een van de grotste deugden
die us automatisch briengt tot vergenoegdheid en vreugde
probeert dus nie verslaafd te worden an je slicht te voeln
want je slicht voeln is herkenboar
en voelt dus doarom vaker veiliger dan etwa nieuws te goan proberen
mo die veiligheid is niet wérd oj zit te creperen
doet dus je beste, gif et nog e - kanse
der zien veel obstakels voe te komn toet wa balanse
en die stoat is nie oenschendboar, mo redelijk fragiel
mo bluft voer heel je leven sluimerend aanwezig in je ziel
Lat je nie doen, stoa rechte voe jezelvn
gie ziet de persoon die je et best kut helpen
lat je nie kennen, doet elke ki je beste
want tleven got noois stoppen met us te testen
lat je nie vangen, ziet ossan up je hoede
en tracht de boas te bluvn over stress en woede
lat je nie doen, ol liek et tevergeefs
ist ossan de moeite da je et tenminste wilt probeern
|
||||
16. |
Oor in, Oor ut
04:38
|
|||
De overheid is verassend incompetent
kweetn zeker, ol die politiekers zien intelligent
ebn gemiddeld et iq van de gemiddelde student
mo toch ist lik dan z’under verstand verliezen achter t’stemmen
kunt nie an dat er met zo weinig compassie wordt gehandeld
ze geevn om nix, juste mor om geld en handel
beslissingn zien gepakt met lobbyisten in et achterhoofd
mo de gevolgen accumuleren, ze zien massas doof
voe de stemme van’t volk, oj kak beloofd
en juste mo ku lachen met us, ist logisch da niemand die grap gelooft
en ook de media speelt in up elke catastroof
da leidt toet et verspreiden vant geloof in e bizarre kloof
die us wilt divideren, bie elk abonnement
up een of ander media ziej in essentie pure angst ant koopn
gin lange-afstand-lopers, ze zien naïf
zien 2 meter vor under neuze en zien selectief
hebberige, machtsgeile kapitalistn
verklootn olles deur et ontberen van e langetermijnperspectief
elke keuze die gemakt is lat e rimpel in et woater
deur ol die joaren zien der dus tsnunami’s ontstoan
lat us d’agenda zelf bepaaln, tis omdat boeit
omdat we’t toeschouwn, want olles da je aandacht gift groeit
gow nu werkelijk us leven spenderen an series checken
beist dat uze dromen in d’achtergrond met de verveling vitten
tied is kostboar, lat et nie deur je vingers glippen
want up elk moment kut zomo gedoan zien voe gie en ik
morgen is je nie beloofd, dus utstelln is eigelik gin ofstel
mo stelsmoatig jezelf beroovn
van de kansen toet creëren van geluk en van vuldoening
te ontvangen t’moment daj iets probeert en da t’ook lukt
ol die of-leiding, zet us oender druk
gift us stress, makt us ziek, tis geliek wuk
tis nie ok, mo tis de norm geworden
de verzameldrang van mensen wost er ossan ol mor is enorm geworden
deur de joarn, kapitalisme is e taal
damme ollemale spreken, mo toch en we nix begrepen
vant verhaal dat we schrieven, de drang is radicaal
heel us leven stoat in teken van etwien die je betaalt
we geloven niemi mo toch ist bepaald woar
da we volgers zien van e religie woarin dat et geld centraal stoat
verspil t’moment nie dat et goed goat
beseft dat er nog dagen gon zien dat tleven nix van moves toeloat
grijpt elke dag vast, lik of dat jen eerste en je latsten is
der ligt zovele te wachten da prachtig is
we zien in stoat voe menshen up de moan te zetten
we kunnen ziektes genezen dien us bestoan beperkn
we kunnen computers maken dien olle informoatie en
mo, we investeren zelden in etwien ze boasisrechtn
we zien capabel olles te manifesteren
de mens is ongelimiteerd, en ku creëren
kan geliek wat dat ie nodig et int leven produceren
mo we oedn us hele dagen bezig met et consumeren
were dezeste tiroade mo kvient onozel
oe da zukke magische wereld me kut ontgoochelen
daw mensen juste mo vergif en bucht voorschotelen
ist er nie etwa verkeerd o niemand nooit nie stoat te popelen
voe te werken? misschien ist wel tsysteem da suckt
en nie de mensen dien te lui zien, we goan ollemaal gebukt
oender et juk van in e wereld te moen leven da beperkt
geboren als e woare schepper mo gin plekke voe te scheppn
tis echt pijnlijk, normaal zoek dit soort zaken
op e melo beat doen, mor uiteindelijk
komt et er voe mien up nere dak dat int verleden ol gedoan en
tis lik of dat er niemand ooit de waarschuwers verstoan en
ze willn us scheiden van elkander want tegoare
ziew in stoat e paradijs te creëeren van echte woarde
zoender prijzen te plakken up olles dat me mo kunnen
mo deur tope te werken en de andere ooit iets te gunnen
mo t’ene ore derin, is t’ander derut
zoender overdrijven et doe me zeer, want ik zie nu
upt punt gekomn dak ik e ventje en dak olles zoe wiln geven
dat ie wordt wien dat ie is en dat ie volut ku floreren
dat ie gin stress moet en omdat de wereld sloat up nix
de scholen indoctrineren, voorbereidend up de moatschappie
die teert up onderdoanigheid en ze beleid
olene mo ku voeren deur gemaskerde autoriteit
fucking zielig, dat dit is wa dat we bereikt en
gin uplossingn up deze track want niemand wilt et feit kennen
dat start bie jezelvn, mo lat de liefde je leiden
en der is gin ander keuze dan de wereld te verrijken
|
Phatmark Collective Belgium
Welcome to the Phatmark Collective Bandcamp. We hope you enjoy the music.
Streaming and Download help
If you like B-Kant, you may also like:
Bandcamp Daily your guide to the world of Bandcamp