Connichiwa

by Connard

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      €10 EUR

     

1.
03:29
2.
3.
4.
03:04
5.
01:23
6.
03:11
7.
8.
03:24
9.
10.
11.
03:58

credits

released January 24, 2019

Tekst: Connard
Opnames & Mix: Samoerai & Jaja in Boeshido & Cojasto
Mastering: Jerboa Mastering,
Beats: 01 & 07 Samoerai, 02 & 03 CozOne,
04 Wulleman, 05 Pale Beats, 06 Sean B, 08 Jan Paalhut,
09 Redrum & Pale Beats, 10 Hi-Def en beat 11 door JaJa
Cuts: 01 DJ Zami Zulu, 02 DJ Dizzy Dee,
06, 07, 08 & 11 DJ Grazzhoppa

Foto’s: Shirin Rabi Photography
Artwork: Oh Snap Grfx

license

all rights reserved

tags

about

Phatmark Collective Belgium

Welcome to the Phatmark Collective Bandcamp. We hope you enjoy the music. Make sure to check out the latest releases and updates on our website

contact / help

Contact Phatmark Collective

Streaming and
Download help

Shipping and returns

Redeem code

Report this album or account

Track Name: Conntekst
Tis de C-O dubbel N A-R-D,
Tis de C-O dubbel N A-R-D,
Tis de C-O dubbel N A-R-D,
Tis de C, de O de dubbel

Conntrovers van de reste connstruerek ier me tekste.
’t Conncept in die conntext leggen letters in conneksche.
Connstant in connflict met m’n eigen conncentroasche,
kom gieder mo bin up me rap connsultoasche…
Stemmen in me kop, en ze voeren connversoasches.
‘t syndroom van Connard ja… da is de connstatoasche.
Tis conntinu en connstant in ieder conntinent
en kzie noois nie rap conntent just gelik de conncument.
Conncistent, ik zien de pro’s en de conntra’s…
Te vele zien verblind, ze zien zelden nog het conntrast…
Ze geven nog gin kick met twee vingers in et conntact.
Ik stekent in de fik en kdroaie tips van junder conntract!
Gin connducteur of conntroleur, je kent de conncequensche.
Ik rappen ier ut liefde dus ik en gin conncurensche!
Gin connducteur of conntroleur, je kent de concequensche
ik rappen ier ut liefdeeeeee...

Ref.

Tis de rapconnaiseur die nu dropt deur de conndensor.
M’n naam dat is Connard en de track bluft ongecensord.
Lyricale topsport, da ziej an me conndische
en al wa da kik zegn, is een echte conntradicsche!
‘k Vertrouwen in gin banken, dus betoal gie mo conntant.
We klapn ier west vloams… en de toal is connsonant.
Ik duwen up je knopn lik al wast e game connsole.
‘k Zien meestal achterdochtig, lik e fl iek up de conntrole
die alles connfisceerd, zelve connsumeerd,
jen oeders conntacteert en met de zake connfronteerd.
Ist e conncert, e conngres of grote connferensche.
Ol wa wak hier delen, doenke puur ut connfidensche.
Gin connducteur of conntroleur, je kent de conncequensche.
Ik rappen ier ut liefde… dus ik en gin conncurensche!
Gin connducteur of conntroleur, je kent de concequensche
ik rappen ier ut liefdeeeeee...

Ref.
Track Name: Wie Ziej Gie?
‘t Ging van ASO no KSO, TSO no BSO.
Op zoek no mezelf in die creative levensloop.
Int 1ste bluven plakn… Doebie deek nog me 7de ook.
M’n erte klop vo kunst, je ku ‘t horen zoender stethoscoop!
‘t Is werken of studeren… Ik kregen nu de keuze.
‘k Gin 3 joar no Gent en kan die bachelor in me beuze.
Kan plan vo te reizen en vant leven te genieten.
Mo toe kwam dien droomjob da me eftjes dé verschieten.
Duval Guillaume! 3 joar pendelen nor Antwerpen…
Reclame bureaus da voel mo an lik an de band werken.
Niet vo mie! Mo kzien dankboar vo d’ervaring!
Want nu wittek wuk dak nie wiln, en da was en openbaring.
‘t Is tied vo wa bespoaring, ook ol werktek me kapot!
Men eigen zaak begost en me pa verkloar me zot!
En ‘t is met ups en downs, soms moek klopn up me tand!
Mo men eerste kiend gevek noois ut handen... Oh Snap!

Wie ziej gie, wuk doej gie en zeg me ké waarom?
Waarom dit, waarom dat, van wo de name Conn?
Oe is dat ol begost en waneer is da oentston?
Oe komj gie an die beat? Zit gie zeker bie de bron...

‘t Is Fat M en de C-O-Dubbel-N.
E radiostation up me kamer wast begin.
Die shit was vo de fun… Nie ‘t oentvangen up d’antenne.
‘k Woare 14 focking joar aw die name a verzint…
En roend die zelfde tied kwamen d’eerste tag toet leven,
das lange vo dak rapten of men eerste tekste schreven.
Gedreven creatief, ‘t gif mie rilling deur me liev.
Met e potlood en e spliff, verdriefde kik me tied.
En ‘t was pas joaren loater… Ja ke weunden ol in Gent.
Met Jiggy wa ant rappen in us nieuw appartement.
Senzilla up de beat en penden an me tekste.
Dien echte Connard oentoend upt ende van da raptje
en ‘t kletste, gaf weer goeste an de reste…
De Gravers kwamn thope, e natuurlike selleksche.
Die Woedn’t Echt tape zit sins dan in je collecsche.
‘t Is Vo De Liefhebber da we streven no perfesche.

Ref.
Track Name: Int West-Vloams Feat. Tovenoare, Samoerai & Fheeta
Ik schrieven teksten in de toale danket liefst en.
Me dialect klienkt vet zelfs al rapjet met e piepstem.
Mien accent accentueert accenten op de beat en
tku nie lang genoeg deuren lik verlengde weekends.
Loat me luude klokke luuden lik de klokke van de Big Ben.
Ut de streke van de tractors, de trappisten; we drienkn ze stief gern!
Ank klappen klienkek meestal melodieuzer dan
André Rieu viool speelt met e kreute in ze neuze.
‘k Schrieven teksten... da ze in Brussel nie verstoan.
Mor toch zeggen ze dak vier spuugen lik e pyromaan.
Recht ut me westmuule goank je tegen dek buuschen.
Ejet nie vor uze linguïstiek, vlieg je direct buutn.
k’ Pen pure textuur, gin prefab creaties.
Ambachtelijk gesmeed lik den oede generatie.
Zelfs me grootvoader verstoa me, en deen is nooit na ‘t school gewist.
Ken uutspraken woavan daje int latien het juuste woord nie viendt...
Beeldspraak? ‘k Rappen wat dat blote oog nie ziet.
Nie hoog in uze bolle mo toch goa je us over ‘t hoofd nie zien.

Geliek oe dawet doen vint, ge moet us nie komn vragen!
We rappen int West-Vloams toe upt ende van us dagen.
Geliek oe dawet doen vint, ge moet ier nie komn klagen,
we rappen int West-Vloams...
Geliek oe dawet doen vint, ge moet ier nie komn klagen!
We rappen int West-Vloams toe upt ende va us dagen.
Geliek oe dawet doen vint, ge moet ier nie komn zagen!
We rappen int West-Vloams!

Oenverwacht, oenderschat, joat en assa oender boane.
Oendergroends en oender us vo ziender dient verstoan en.
“West-Vloams” en ‘k zien trots up m’n toale.
Wan ‘t meest van us slang, vin je nie in de Van Dale.
En stoa da joen nie an… wel zet an dan.
Go mor an de kant man, je goadet ie godver t’ platte van men hand vangn.
Mo West-Vlaamse hiphop da sla toch noois nie an man?
Euh, en ’t Commerce en Brihang dan?
En dobie, ik schrieven teksten vo mezelven,
vo dedé dak wel berieken en de dé dak der bie helpen.
Ol me broeders ut me wieke en zatlapn int publiek.
Tis tegoare met de clique danke werken an muziek.
En eerlijk vint?! Kent ik zelfs nie geprobeerd…
Want ak echt proper klappen toe klienket geforceerd.
Ge ku lachn wien daj wilt mo da wor nie geapprecieerd!
Ik gevent ut men erte tis nie voor gefabriceerd.

Ref.

‘t Is teamwerk, 3 musketiers in de aanslag.
Je moe nie an us peizn mo toch grijpen we jen aandacht.
We zittn up dezeste golfl engte, ‘t zeste raakvlak.
Nim up elke track e duk int West-Vlamsche taalbad.
Van doa da dam us verwoordn lik een echte westfluut.
We penn’ gin eufemismes, nin we zeggnt rechtuut.
‘k En men erte op me toenge liggn ok me raps spugen.
We zien authentiek, dorom dam nie no de rest bugen.
‘t Zien versgeperste tracks int dialect geëmballeerd.
Heel de reste van de scene wordt via tekst geëngageerd
voe te goan. We kraken lik de crackles van e ploate.
We zien zo utgesproken lik e battle up de stroate.
We projecteern scherpe beeldn via dia-lect
Kzien e bitje krapuul, mokgeevn je gin kia-raps.
Die ruwe bolsters dat is meer me ding.
Mo soms ek ik e zukke Vuulle Muulle daj zoe peizn dak e Feester zien.

Ref.
Track Name: Lot Em Brann
Nog vo m’n wekker goat ziek up me wake & bake…
Vo dé dat nie zoen weten, da is splifn vo ‘t ontbijt.
Ge ku ‘t roln in e blunt mo ook bakken in e cake…
Branden deur e piepe of verdampen in e vape.
Ik geven joen da groen licht, al woarek e verkeerspaal.
Kom langs bie den dokter en ik legn ze up de weegschaal.
Fuck de wachtkamer, we leven in de speelzaal
en ol die boefkicks… da zienk als m’n feestmaal.
‘t Is meermaals, ol bewezen en gezeid,
da die plant ook magisch is en ook kanker ku bestrijden.
Dat mensen ku bevrijden ut da zeer en da lijden...
En toch bluf de farmaceutica de woarhied mo oentwijken?
Da komt nie ut e labo nee… da groeit ier in e bloembak.
Tiptjes, lange bladjes, soms e klein bitje toebak.
Goed strak, mak ze nat aj eur toeplakt.
Hight till I die, zie me rollen just gelik Tupac.

Likt em toe, stikt em an...
Stik die boute mo in route, joat en loat em nu mo brann.
Likt em toe, stikt em an...
Stik die boute mo in route, joat en loat em nu mo brann.

Ge kut kweken in den hof in grote bloempottn
en achter e poar weken ej schone groen toppn.
Loat eur schieten, loat eur groeien, lot eur bloeien
en bluf ze mo soigneren, toe ze greed is vo te snoeien.
Zie rustig, gif ze tied... De tied vo te drogen!
Best in den doenker moat, joat, en oendersteboven.
Ton smiet je zin e pot, en loat ze nog wa rusten
en achter e poar nachten is ze greed vo te crushen!
Mo nee... Heel die wet ier vink mo louche.
Je meugt ier ééntje kweken, mo nie smoken van die kush.
‘t Is nie goed voe je… en doa stopt toen undern uitleg.
Vo mien wast ginne Gateway, mo eerder me ne uitweg.
Dus pass, pass le oinj want connard em is nie picky!
Hele dagen high van die stickyiekyieky.
Iedereen ier smoort, ‘t zie nie juste mo de hippies.
Dus check jen eigen krienge vint en zie ki nie zo kritisch!

Ref.
Track Name: Vergif Mie
Sorry ma,... vo ol de troanen up je geloat.
Vo de keren dak verdwoalden in me joenge kattekwoad.
Wa kan vele foute moaten, kwoare joeng en e rebel.
Were fliekn an de deure met een uszoekings bevel!
Heel m’n kamer overhoop, weer e middag upt bureau.
Mo Connard oed ze bek dicht en jet gin bewiezen ook…
Sorry, mor wa? Diene flikker et gesnitched.
Verdroai gie mo de koarten, mo je witted zelve bitch!
En pa, je ziet m’n held en m’n idool…
‘t Spiet me dak nie lusterden, m’n bestn nie deen upt school...
Hele dagen up den tjool, ant spliffn en ant zuppen,
ak nie mochten goan feesten, ja, toe glipte kik no butn.
Je kuder achter flutn! ‘k Zien int midden van de nacht weg.
Aj thus zat te wachten, gingek droenke m’n gedacht zegn...
Sorry, en tkomt ut diepste van men erte!
Want zoender gieder twee raaktek gin milimeter verder!

Sorry, al wettek zelf nie wa de reden is…
Twee kanten ant verhaal, alle twee uzze belefenis.
Eket noois beseft of at vo mie nie veel betekenis…
We kunt nie herdoen herdoen a de geschiedenis gerschreven is.

Sorry, ak joen gevel va ze levens oois getagged en…
Stroatkunstenoar, wa ant brielen met e graf-can.
Sorry, ak joen oois verweten, utgekakt, gepest en…
utgescheten, utgemakt of ooit zoe gekwetst en.
Sorry, vo de relaties dak verpest en…
De meure ingesmeten daw tope an gemetst en.
k’ Zien ook mo e mens en dus verre van perfect, en...
zegget in me face en nie upt net of deur ne webcame.
‘t Spiet mie, dak nie vuldoen a je verwachting.
Je an et lientje hangn van me veels te lange wachtlien.
Je kop afgezaagd lik al woart je gie de klachtlien.
Gin ik zoender gie, en ik neme dat in achting,
Sorry aan de fam dak nie vele op bezoek komn…
Kweetn, tis gin excuus, mo kweune nie bepaald den hoek om.
Tied mo je maken, je kut nie kopen met e groupon.
Mo zittek in de pit, toe zorg je gieder wel dat goe komt!

Ref. + Break

M’n excuses an de wienkels danke vroeger va geript é.
Me ziek en gemeld en vo de lessen dak geskipt en.
Ak t’ ene beloofd, mo toch t’ander beslist en
der were nie kun graken, bist daj me lange mist en...
Jen oproep gemist, mo nie were ge-sms’t en.
‘t Spiet me, ak je oenterecht betwist en.
Ak je were zoe gedissed of vo je deure zoe gepist en.
Kweetent, godverdomme, kzien die nagel an je kist en...
vergif mie, an ol me homies en vriendinn…
vo de keers dak der nie woaren en een utvlucht a verzind.
Kzien een echte workaholic, kzitn tevele an m’n bureau.
Mo van die echte moaten gelik gieder krieg je zo mo nie cadeau.
‘t Spiet me, dak ook verre van perfect zien…
Zelve fouten maken en geregeld moen de weg vien.
Just deur da beseffek dan die fouten nie zo slecht zien.
‘t Geef richting an me leven en wo dat me ga terecht brieng.

Ref.
Track Name: Oendergang Feat. Aminah
E schoon en joenk gezin, twee dochters en e zeune…
E reloasche ut de boekjes met e villatje in Veurne.
Voader klopt de nacht… Mo ne klopter em in deure
en moedertje et e wienkeltje en nog redelijke wa keure.
De jongste doe ballet, en den oedsten speelt viool
en de dochter tussenin is nu een tiener up den dool.
Mo overt algemeen, zien ze fier up under kienders
en a ze wa kun spoaren, ton ging ze skiën deur de wienter.
E rolmodel familie! Heel de wieke was jaloes.
De liefde was oprecht en ook op school ging alles goed.
Niet up an te merken, nint, ‘t platje leek complit.
Mo vojet wit, zit joen kop in de shit.
Wa alles do no boven goat, komt oois wel no beneden.
‘t Was de kleinste eur verjaardag… int nor huis goan achter ‘t eten,
de boane lag wa gledig en twa mistig deur de regen.
Werd den auto in de flank gepakt… de voarte ingereden.

What goes up must come down.
But my downs keep haunting me around.
What goes up must come down.
But where’s my up? Cuz I can’t take it anymore!

Achter weken in e coma komtn wakker int kliniek.
Mo gin teken van Natacha, noch va Sarah of Monique.
Ook ze voader up da bedde en zie toestand was kritiek,
ne lag vast an e machine die zen ert pomt deur ze lief...
En tis stief moeilijk vo te zien of te kun vatten,
oe... daj zoender moeder moe je leven goan hervatten.
Zoender zuster, vo te moshen, te ravotten of te lachen.
Heel verdwoald up da pad en oe pak je toen die stapn?
Pakt e voorbeeld an ze voader… zoekt de leegte in de flashe.
Omringd deur klein krapul en foute moaten in ze klasse...
Hele dagen fucked up leef nu in e waas.
Ku ze leven nie te baas, komt e dealer up straat.
Verkoopt tevele dope en ne kletst tevele proat
en upt ende van de wieke stoan de fliekn al paraat…
Ne wast em wel bewust, mo nat er veels te vele lak in...
18 fucking joar en met ze’n domme kop den bak in!

Ref.

Vast beroaden nie te hervaln komtn buiten uit den kashot.
Na gin contact meer met ze voader en da makte em kapot.
en deur ze strafblad grakt ie moeilijk moeilijk nog an werk…
Je moe pakn wuk dak kut… Mo die opties zien beperkt.
Mo up zundag in de kerk vient ie de vrouwe va ze leven...
Tope stoa ze sterk en ne zoet alles vo eur geven,
en achter e poar weken moe ze tope no den dokter.
Ze bliek 2 moand zwanger van under eerste dochter.
Ze kreeg de naam Monique, als eerbetoon an ze moeder.
Ze bracht em were hoop en ne bleef weg van de poeder.
Mor up e zekern avond kwamn thus va ze werk...
‘t Zit e dude in ze zetel datn nauwers nie van kent.
Schat zet je nere, ik moen je wa vertellen,
mo please oed je kalm en begin je nie te stelln…
Int begin van us reloasche ist e bitje mis gelopen
en ek nog vo wa dope ier met em in bed gekropen.
Ne krieg rilling deur ze lief en de troan rolt ut eur ogen.
Mo tspiet mie echt schat, je moet mie echt geloven.
“Je moet mie echt geloven” Wa za nie veilig gevrijd…
Komt et puntje bie tpaaltje… Wel dien dude em et aids.
Ze kop stoat up spring en nis heel ten ende rade.
Dus lopt ie weg no boven, olt de blaffer ut de lade...
Ze leven no de zak, dus nu kent ie gin genade
en stormt ie no beneden… Lost twee schoten in de kamer...
Net ze alle tweej get dus nu kiekt ie in et roend,
mo ne zakt deur ze knieën en ne stukt up de groend.
Ne pak ze telefong en ne bel zere nog not spoed,
Wa wuk datn ziet lign is ze dochtertje int bloed.
Flashbacks no ze jeugd en verleden...
Zet de loper up ze kop en makt en ende a ze leven.

Ref.
Track Name: Verder
We moeten verder, assa verder bluven goan.
We moeten verder, nie te lange bluven stoan.
We moeten verder, assa werken an de boan.
Je moe werken an je boan a je verder wil ku goan.

Je moet goan! En das al joaren lang us motto!
Mo stopt ook oender boan en pakt geregeld ké ne foto!
Herinneringen… daj framed in je gedachtegang.
Just gelik die kaffievlek en goaten in den achterbank.
We leven vulle toeren zoender diesel in de naftetank.
Met liefde vo de fam, de clique en us achterban…
‘t Zal wel zien vint, wuk dacht je dan?
Vo zieder werkek nachten lang, en steekek nog da tandje bie.
Vo ol men echte moaten e kik assa wel een handje vrie!
Zit je met wa shit, kom gerust nog e ké langs bie mie…
Toe verlichtek al je zorgen…
Dus lucht gie mo jen erte wa zo veel zit verborgen.
En smietet mor up tafel, vint. Gie kriegt ier m’n aandacht…
Tope goan we verder deur ‘t verdelen van de draagkracht.
Want liefde is de maatstaf da alles up gebouwd is!
Ol verloatek olles da me toet nu toe vertrouwd is…

Ref.

En kweetn tis nie vele, mo vo olles ier zienk dankboar.
Tegoare met m’n broeders deelek zelfs me laste drankkoart.
En zit je in de pit verzettek bergen up je landkoart.
Mo dat is mien probleem… Ik en vo iedereen men handn kloar…
Soms wa te naief, mo helpen is de standaard.
E wereld vul met macho’s en tzien ol e bende lafoards
en bastoards, ze kiekn ol den ander kant ut.
Wa kut under bomn, da een ander van de rand stukt?
Ne goat wel verdiend en, spreekt er e passant ut!
En dat is et probleem… zet die logica m’n land ut.
Ik zie gin superheld, da kuj zien an m’n postuur.
Mo dak me wel bemoeien, zit geweun in me natuur…
En kun der nie an doen, ‘t is lik sterker of mezelven!
Zit me broeder in de struggle, goak me broeder doabie elpen.
Want moeder zei me ooit: Met tweejen graak je verder,
toe zet je rapper stappen deur ‘t verdelen van de werken!

Ref.
Track Name: Burgemeesters Feat. RedRum & Gemeejne Bleejkn
‘k Schrieven me rhymes met e rooie stylo. Atent ant verbeteren,
lange niks gedropt mo ken nie stillegezeten.
365 dagen in e joar, 365 beats allemolle zwoar.
Kstoan achter me bars lik oe dan zet in de bak doen.
Productiever of de meeste, zelfs ip dagen dak gin zak doen.
Oh Snap, tis West-Vloams vo je fretter,
en ‘t word lik atmo vetter, letter achter letter.
Bleejkn ip de beat Connard et in de goaten,
burgemeesters van de bars van de beats van de stroaten
Tis voe d’onnozeloars familie en voe moaten,
burgemeesters van de tapes de cd’s en van de ploaten.
Allene stoan we sterk tope nog zovele sterker.
Wil je stoan woa da me wieder stoan, ton moeje der voorn werken.
Hoge ip de ladder ‘k kieken nooit ip niemand nere,
ken nog liefde voe de scene ook al krieg ek ginne were.

Drie meesters an de zet, met e meesterlijk recept.
We Busta eerlijk met die Rhymes, gieder brikt ier ol je nek.
ier gon de meeste tegen dek en de beestn over ‘t hek.
Je wit wien da we zien: Burgemesters van de rap.

De scene hangt an me koar en tkom lik hechter met de joaren.
Ziet us leren va mekander, we verwerken commentaren…
De deur sto assa open ajet zelve wilt ervaren.
Wa we werken ier tegoare vo die echtheid te bewoaren.
We stoan gelik piloaren, woedn vast an de fundoasche.
Nietn kom va zelf… we doen al joaren upservoasche.
Zoender navigoasche tussen bergen motivoasche.
Verwerken ‘w informoasche in e nieuwe presentoasche.
Gepoard met wa frustroasches mo we doent ier ol ut liefde.
En ol men inspiroasche, da gevek up e brieftje.
Alsjeblieft, je meuget en ier ol vo nieten.
Wan ’t is pas deur te delen dat e mens toch ku genieten.
Dus doenk et ier vo gieder en nie juste vo me team.
Kzie gedreven lik gin ander, krapresenten heel de scene.
Nie vo centen te verdien, kzie nie gelik de meeste.
Naamt mie mo Connard aka De Burgemeester.

Ref.

A joarn bezig me die shit en kent allemoale gecheckt.
Kendr vele wetn flopn, tziendr owk die zwoar geript en.
De kunste is verbeteren, noois ni content zien.
Nu vienkik zovele sucken omdak véé te verwend zien.
Woarn, kostn ipme nest lign n stoarn not plafong,
mede jong oe dandr vorn woarn me joarn.
Vette karre, lekker wuf, tattoo up je voorarm,
e mes inj zakn woarn ook noois de voorwoardn
van écht zien, gif me die sjerp omdakket vet brieng.
Burgemeesters, e combinoatie da perfect klienkt.
E vet zwien, te niejt t moakn me m’n spekloage.
Man’ groein zere mo tverstand komt echt troage
‘je broek komt te kort’ gast dadis e nutsproake.
Gie droagt em azo, zoedem beter thusloatn.
Zoedem beter thusloatn...
‘k Fretn rappers up e track, doarom dakket ket utbroakn.
Track Name: Doe ki Normaal Feat. Grafgravers
Met ol die Boom Bap kom je nooit nie up de radio…
Da schip is ol gezoenken in de 90’s met DiCaprio.
Ge komt ut Brugge stad, vint, ge leeft nie in e bario.
Beter bel je Q-Tip en vraag mo no ’t scenario.
Twee man die lustert… en den helft ier vergit snel.
Rapt gewoon van jup jup en yo yo gewit wel…
Toe go je die hits teln… en toe go je die poen zien.
Cuz fi rst you get the money, and then you get the poenie!
‘t Is schoon daj je best doet, mo dat et gin avance.
Vergit mor ol die skills vint en werkt aj presence.
Je t-shirt is te groot en je broek veels te wied.
Doe die klakke va je kop…en ga mee met junder tied!
Fuck ol die hiphop en fuck ol die rap!
Go mee met de hype en lopt los in die trap.
Fuck ol die hiphop en fuck ol die rap!
Go mee met de hype en lopt los in die trap.

Ref.

Ey Conn, c’mon, oe zit da met die oldschool.
Je dropt e nieuwe ploate mo je doe lik of da z’ol doen...
Boombap rap is ol 10 joar ut de mode.
Niemand wacht er nog up e volgenden episode.
Je flow moe gechopt zien, gekapt zien, vertraagd zien.
Af en toe e referentie nor Illiumati.
Mo nie te moeilijk, voe niemand ‘t overroempeln.
Ist voe rappers hedendaags e goeie idee olles te mompelen.
‘de wille vu de zille,… tille in me cup’
J’erhaalt da 8 keers met wa autotune derup
en je kiest de juste beats aka dedie met meer hihats
dan de openingscene van The Prestige. Alright,
nu zieme up weg, nu nog wa swag
en e nieuwe outfit en gin inhoud in je raps
en die ploate komt in orde, Connski punt twee.
Fuck die Grafgraver shit, ier is niemand nie voe greed!

U cultureel probleem, ze proberen me te beledigen.
Van rauwe tunes ister auto-tune overgebleevn.
Meer ge-twerk dan ge-rap mo kmoetn de daans ontsprieng...
De track trekt op niet, woar is de clip te viengn?
E gevoarlijke situoasje, dertienu in u dozien.
Kritieke toestand tis nie enkel goud da blienkt...
Dus doed uki aal normaal en ut eign oendervindieng.
Enk beseft hedendaags iedereen speciaal wilt zien...
Doamee dak aanhalend vragen daj normaal te gedraagn...
Zeest Reymond trekt et em an tis schandalig.
Wiene is de waarde van u boodschap zoender u vorm van vaste waarde...
De wereld stoat op ze kop commerciele façades!

Ref. + Break

Junder kun zegn wuk je wilt, mo da makt nog gin verschil...
Want de muziek da we wiln maakn in e sessie,
is gin afgekookte versie me winst als intentie.
‘t Enigste wuk echt telt is da we zelf content zie!
Dus fuck bekend zien! Zie we daarom marginaal?
Doe normaal, ton moe je zere ki no den aldi gaan...
en ton nog: Ik kriegn liever de huur nie betaald
dan dak de hele hiphop cultuur ier verraad.
Dus Connski doe geweun je ding ajet voelt.
Der is gin nood vo de trends te volgn up de voet.
‘k Zetnt mes up de keel dus bluf orgineel
of je ku natuurlijk meegon me de gekte va de eeuw
of zelfs verder goan met hedendaags gebrabbel
en je stem pitchn just lik Knabbel en Babbel.
En ook al vind junder boombap ier ol banaal...
Toch bluf kik standvanstig bie mien idealn?

Dus: Doe ki ol normaal,...

Back in the days waarn we dope... Cool edit pro.
Nu ziej juste nog pro oj cool edit *wow*.
‘t Voelt epic yo, mo ‘t lig gevoelig
en voer-ol-dedie-dat-echt-bedoeld-is, is die bar veel te moeilijk.
Check no vroeger, toen ak e homie die zen auto-tunde.
Tegenwoordig ej geweun gin homies aj gin auto-tune doet.
‘t Is te zot vint, hiphop goat eran kapot bink.
Olleman dropt, zonder bars wattefok vint?
”VoRRe kvin daj overdrift” Bullshit twos hoog tid!
Hiphop is ol veel te lang ze niveau kwit.
Marginaal is wat de kudde wilt ”MEEEEEEEH”
Vroeger moestje bars en, nu enze zunnebrils “YEAAAAAAH”.
nééééé, widder zin vor inhoud, zinsbouw...
Ol die trap shit, doa trappe kik niet in yo!
Veel te vele botox, we roeren in de doofpot.
Ier lig de latte... Kom mor achter meje poolstok!
Track Name: Shout Out
‘t Leven is lik Blackjack, vraag et mor an Thorre
en toch Bluvek Goan, gelik dien éne track van Vorre.
We doen Geen Half werk lik de Nag en den Twan.
Kzien een echte Rijmtechnieker just lik Prev en Xspans.
Competitief en een echte Predikant.
Lik Shisha ziek van Brugge… Dus we maken je van kant!
Hele weg deur den Damp in de mood vo e fiejesta!
Die shit is No Exp., Tim Flack en Wally Nesta.
Tox ier in den Aldi, we goan helehanse Chef!
Ant stukn en ant Scheef Gon… Mo wien de fock is Steff?
Ak kiekn no Vulle Moane, bie Kruper in De Panne.
Toen krieg je Straatverhalen of e klop up A Tanne.
‘k Doent nie vo Commerce just lik Buyse en Kowlier.
k en e Krak in me kop lik Primeur en Brigadier.
‘k Vliegen lik den Bird, Klootzak met karakter.
En lik Bleejkn en de RedRum drage kik gin Masker.
Soms ziek Beest lik Dirrty D, soms wa Mellow lik de P.
Soms gok Loco met de flow lik me kleine homie T.
Ier krieg je Straffe Toebak lik die tape van Dyna Dee.
Mor et liefst ziek Opt gemak, just gelik de Sensi-P.

Shout out! Nor ol de rappers in de scene.
Shout out! Nor iedereen die et verdiend.
Shout out! Nor ol me homies up de rhymes.
Shout out! Nor al de ladies met die lines.

‘k Schrieven e Brief aan de overheid, just lik Koendalini.
‘t Is ier Elke dag dezelfde shit vraget BerryKrimi,
Rauw & onbesproken! Met e Koater lik de Raab.
Kzien ook mo e rapper! Geen Waarzegger lik de Braem,
Lik Red’ang en Vermeire ziek en echte Anti Held!
‘t Is vo 10 Gram en nie minder aj gie met Ramzi belt.
Me shit is Uberdope… Ik zien één met de vloer.
Tourist in eigen land joat, een echt Troubadour.
Ken de Passi van de Rassss, tis ier Eigenmakkelij.
Ik Brengn het terug gelik de Safi & de Spreej.
En just gelik de Noctu, oede kik het Kort en bondig.
Gefocussed op de Mooie dingen lik Saalk en de Storme.
Tis Recht vo de Roape joat, vraget mor an Krank.
Connard et gin kopzorgen, of toch nie lik lyricant.
Kzien een echt Brihang en kvalln te vele in herhaling.
Twee viengers vo ‘t Belang lik Froze op Winterwaanzin.
Ooooooooh, tis jammer ak je moen teleur stelln…
De zelfde crew van Samoerai… en tis mo e geweun stel.
Me kop in de wolken. ‘k Zie Verdikt gelik de Pita.
Oj de muziek verstoat, lik Rook, Ozi, Fheeta.

Ref.

Kzeggen Aangenaam lik Baadasssss… Mien naam is de Conn.
Kzien e Bok en Profeet, Droge Piet lik de Mon.
‘k Brienge Sneeuw in de zomer just lik Ja-toet-de-zon.
Vraaget Nys of Carton… Niemand wit nog waarom?
Klegn men Hart op de Tong, Made Men lik den Jizz.
Kdropn de Feiten op uw bord gelik de Nasta & de Niz.
Ik en gin Dubbelleven, nee lik Matti en de Mitz.
‘k Lopen liever over Borders, Onbegrensd gelik Moriz.
Vraaget mo an Jones, Kleine jonges worden groot.
Zeg mie wien dat ier verkloot en komn af met morsdood.
We maken juste nog AMOK, tis hier Alles of niets.
Low & Lowgisch just lik Zwanger Guy.
‘k En niks te bewizzn neen, al woarek Groene viengers…
De Gravers zien lik Wu-Tang, we rappen vo de kienders.
Juste nog die Soul Food lik Castro & de Bende.
‘k Zien trots up me scene, just lik Sanders up Oostende.
Danst met ik, lik al woarek Onderond.
En just gelik De Feesters zienk ol Joaren oender groends.
Mo soit, tis nu wel met al die promo.
‘t Is tjoar van de zwartzak al was me name Krono.

If you like Connichiwa, you may also like: