ik scheppen plekke voe de pauze de ruimte tis me wijze voe me flow te veruimn, te floreren, de latste obstakels up te ruimn, te gon vissen, want opgeruimd stoat netjes, me ruimte veer, is voardig, en t’schip is ruim te groot voe men eigen, dus ik voarn like e ruimte vaarder in de kosmos, ik zien ruim-te -tijd die tope oplost, en t’verruimt me

woaran verdien ek et voe joen te meugn kennen de dagen me je te deeln, en de nachtn me je temn dak je kun vastepakken zoender daj me ontwiekt daj me verstoat, en ik joen, oj mo just no me kiekt va woa krieg ek die kanse voe te leven met etwien, lik gie, geboren voe te geven dus je kriegt, zovele lik daj ooit zoe kun verdienen wieder tope met zen 3en, der zit gin ik in team dak olle dagen no je lach stoaren geliek wien dak zoen zien, gie, zoen men anvoardn en da wittek, da voel ek, da voel je wederzieds we stappen elke dag weg ut de verleden tied want me joen, zit ek lik elk moment in et nu continu, we trekken us nie an van residu wieder zien, da wittek, da zie’k, da voel ek merci voe mien te tonen wa dak vanbin ol olten voelde Kvoeln me gezegend dak joen kun inspireren mo ol kiek je no me up, kiek ek noois nie up je nere hand in hand deurt leven, gericht no wa da komt met de moane up us rik, en de blik no de zon Kvoeln me gezegend dak joen kun inspireren mo ol kiek je no me up, kiek ek noois nie up je nere hand in hand deurt leven, gericht no wa da komt met de moane up us rik, en de blik no de zon

upt moment dak in me blad verdwien ontdek ek wien dak zien en stoak los van de wereld, en olle oardse dingn word ek 1 met me penseel en transformeer ek nor e voertuig van gedachten, concepten, en voar ek deur de nachten lik de vrouwe van Osiris, et licht van de lamp en enkele versleten bloaden is genoeg voe me te vangn in e web van inspiroatie, kloatn de letters vloeien en roeien olene met de riemen dak nodig en voe navigoatie en te groeien, de situatie lat me gretig toe et oenderste vanut de kan te schrappen, kzie nie levensmoe en nie te radbraken, energetisch deur me concentroatie en et los-loaten van de verbeelde imaginoatie t’moment dat d’eerste letter intreed lik e Samniet in’t Coloseum, wordt de sfeer onovertroffen dynamiet ken e museum in men hoofd en elk kunstwerk is broos en zit nie achter slot en grendel, mo stel ek ik toon men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit upt moment dak in me blad verdwien ontdek ek wien dak woarn en stoak los van de toekomst en hedendaagse gevoaren word ek 1 met me stylo en transformeer ek nor e voertuig van herinneringen, souvenirs.. wachtend up her innering kzoe moen gin ander optie en, kzoen schrievn met e veer toen zoek weten dan me teksten zoen vliegen deur d’atmosfeer elk karakter is letterlijk e tekening, dus tope zien de tekens vul betekenis en schrievek monologen met een iriserend uterlijk, tis dudelijk, ik uten me gebrukelijk up beats omdat up die maniere vree plezierig buiten kut zo ziek ik utgerust en utgerust met duzenden wijzes voe te relativeren, tis me ruw geluk ot lukt voe te creeërn, me loatn inspireren kschrievn juste up wadak vanbin in me voeln resoneren et tij is niet te keren, ik gon ossan bluvn flown omdat me wieze is voe stelselmoatig an mezelf te bouwn men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit upt moment dak in me blad verdwijnen ontdek ek wien dak wordn en stoak los vant verleden, en contemporaine vormn word ek 1 met men zwoard en transformeer ek nor e voertuig van projecties, bespiegelingn, een eerlijke relfectie begriep je mien ak zeggn dak tproduct zien van me raps da me volledige identiteit te vien is in me tekstn me lyrisch manifest… elke zin e regel ut de code van me dna die me geheel verzegeld bestempeld, me schriefplekke is een echte tempel e hengel, e staf, wa instrumentals en ik zien kloar voer in de oceaan te spriengn gedreven deur e bodemdrift probeer ek stilte boven te briengn de kalmte, de leegte, de alpha en omega elke schriever in de wereld ziek als e verre collega medebroeder van et woord, oenderdanig aan de stroom van creatie, en licht, die zoekt achter e poort men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit men erte is open ookol pen ek e gedicht Schrieven is et gene da me letterlijk verlicht en ik zwichtn, telkens upnieuw ok ik me richtn up e blad gif ek olles dat ier diepe in me zit

Ik zien een entertainer omdak de kracht en voe je te helen terwijl dak je vermaken Ik zien een entertainer omdak de kracht en voe je te helen terwijl dak je vermaken (x2) oj lusterd no me raps toen oor je soms wa zotte klaps mo wa dak doen is wa dak doen en wa dak doen is up de tast kvoeln me goed, en ktrachtn da gevoel te converseren ookol got vaak over ik hoop ek daj’t gie kut appreciëren want tope, zieme meer dan 1 + 1 = 2 dus ot de golven soms wa ruw zien gok me junder deur de zee tis meer dan teksten schrievn, ik weetn van nie vele mo et gene dak begriepen trachtek blindelings te geven ol zit et soms verpakt in punchlines en aforismes voe mien is imaginoatie krachtiger dan realisme ik trachtn just te hinten, subtiel te suggereren zo daj gieder et verhaal zelve zoe kun completeren kzien et lintje roend wa rozen, de strik om e cadeau ik geevn just wa dak gekregen en, want tgoeie is nie te koop ik hoopn dak tenminste 1ne twien kun vermaken upt precies moment dakke up e podium ontwaken Ik zien een entertainer omdak de kracht en voe je te helen terwijl dak je vermaken Ik zien een entertainer omdak de kracht en voe je te helen terwijl dak je vermaken (x2) oj leest tusshn de regels zieje soms twa roars geschreven ma wa dak doen is wa dak doen en wa dak doen is nie te kneden kvoeln me goed, lekker in me vel en k’accepteren dat nie ossan zo goa zien, mo kent leren relativeren ik deeln juste mo wa dak nodig vien te verspreiden we kun nie elk gerecht smaken da we bereiden dus ziek vaker selectief, ol tijdens dak et pennen probeer ek just nog zinnen te schrievn dien betekenis en of int geheel passn, want woorden zien gewichtig dus verspil ek ze nie gern, want ze wegen zelden lichter dan tgedacht dat an de basis ligt, dus goak ik dichter bie de kern van et verhalenschap met elk verbaal verzinsel dak ik smeden, Soms ziek een afgelegen ronin ant werken an me stiel zoender e hoop up e beloning de verdienste ist gevoel dak en ok letters combineren dus vermaak ek eerste me zelvn voa dak junder inspireren Ik zien een entertainer omdak de kracht en voe je te helen terwijl dak je vermaken Ik zien een entertainer omdak de kracht en voe je te helen terwijl dak je vermaken (x2)

Int begin wost er olene bere shit niemand wost er bezig met zen ego mo de wereld zit ol effkes in een ander stadia en oj de berg beklimt toen zieje dat de grote reste der nog ff neffest zit mor elk ze pad en ook ze tied, dus tmoe zo zien ol liekt da soms wa oneerlijk, mo tis ol te verbindn ojt in e groter raster giet, e holografisch bolwerk toen snap je dat, elke van us ook een andere rol et te spelen, te spellen, zoender overspel nie lik vikings up e rooftocht met e gehoornde helm nie lik priester up e kruistocht met e gebroken licht en nie lik kolonisten zoender een volledig overzicht over zicht gesproken.. tis omdaw scherp zien da we meestol blind zien us derde oog is nie in verbinding met us hart, we zien up vele vlakken veel te hard en zoender e fundoatie kantelt et koningschap de troon bluft ongezeten, de kroon is oengedragen wen mor 1 antwoord nodig, mo wen wel oenderd vragen wen mor 1 seconde nodig, mor ol en we oenderd dagen zit us innerlijke licht verborgen oender oenderd lagen 1 schot nodig, recht in de roos in de bullseye, en we zient letterlijk roos- kleurig worden, de storm, is windstil te kriegen on we enkel wijsheid spreken, en voe de reste zwiegen 1 schot nodig, recht in de roos in de bullseye, en we zient letterlijk roos- kleurig worden, de storm, is windstil te kriegen on we enkel wijsheid spreken, en voe de reste zwiegen Kbundelen me verzen in e simpele synopsis kzoent misschien anders kun beschrieven mo kzien optisch gedreven voer et licht te verspreiden, ik zien op iets gevolln da jen ogen zoet doen rolln mo tzien opties en keuzes, die rollen ut de karakters dak bespeeln me pen is lik een olifant boven up e penseel balancerend up grafeen, me stem instrumenteel up elke instrumentaal, is me taal mentaal heel wen mor 1 schot nodig, et doel wit de weg t’apprecieren, upt tmoment dat t’gevoel et beseft dat et ritme van je hartslag, je route, je roots zien dat slechts e verschill in schilln is of dat zoe goed zien us heelal is een anjoen t’moment daj em begunt te pellnn, start je met blettn, je kut er hele niet an doen, overmand deur et yin wordt je helegans betoverd en veranderd, omdaj de ander vient in jezelf, tis in essentie e reflectie e bespiegeling van olle magnifieke imperfecties wen 1 shot nodig, nie meer dan e connectie met iets groter dan us, zodak zoen weten, dak ik zien 1 schot nodig, recht in de roos in de bullseye, en we zient letterlijk roos- kleurig worden, de storm, is windstil te kriegen on we enkel wijsheid spreken, en voe de reste zwiegen 1 schot nodig, recht in de roos in de bullseye, en we zient letterlijk roos- kleurig worden, de storm, is windstil te kriegen on we enkel wijsheid spreken, en voe de reste zwiegen

Lat et los ton kom et automatisch no je toe Lat et zien. tmoe zien daj der nie veel an ku doen Lat et los. ton kom et automatisch up je of lat et vrij want anders ist ribbedebie bijzoender moeilijk voe te snappen oe dat lik nie komt ot moet want je meugt nog zoveel je bestn doen, vaak is da nie genoeg etgot om nog zovele meer, losloaten achter leern bikke zot worn, mo fuck it, zot zien doen gin zeer dus we pakkent, vast en betrachten us der soms up te betrappen on we standvast vaste stappen platsen in routine, cirkels droaaien lik e turbine me’t tgevoel daj ant crashen ziet ol woar je e lawine Lat et los ton kom et automatisch no je toe Lat et zien tmoe zien daj der nie veel an ku doen Lat et los ton kom et automatisch up je of lat et vrij want anders ist ribbedebie bie elke stap daj zet verandert ook je weg en je bestemming der is weinig plantrekkerij oj vast zit in e planning je kut plann’n van voraf, mor upt moment daj stapt moej stappen zetten en nie peizn an de route up je blad lat et los komaan, je vleugels sloan pas open oj de sproeng waagt. je kut dus lang up je vleugels hopen stoand up de rand van de afgrond stoarend nor et doenker mor et licht goj pas kunnen zien up et moment daj zie gesproengn lat et los, toen kom et wel tmoment dajt ku gebruken lat et licht zelve de kanse voer em an je te ontluken nie misbruken, vooral nie proberen van et proces derachter te manipuleren of te snappen, lat et je geheel begeesteren, geniet van elk moment daj et genomen en lat de boze wolf nie toe in’t koekenhuisje van je droomn doe wa daj voelt, aj nie plant, mor ervoart en de puzzelstukken voln vanzelve were in mekoar lat et los Lat et los ton kom et automatisch no je toe Lat et zien tmoe zien daj der nie veel an ku doen Lat et los ton kom et automatisch up je of lat et vrij want anders ist ribbedebie Lat et los ton kom et automatisch no je toe Lat et zien tmoe zien daj der nie veel an ku doen Lat et los ton kom et automatisch up je of lat et vrij want anders ist ribbedebie vorbie

tzien niet de dingn zelve dien sensoaties voortbriengn dien us troubleren, mor us eigen oordeel van die dingn de externe wereld kriegt ze vorm deur je interne motor woarheid is ossan persoonlijk, zolang dat ie gelooft wordt hoe daw de zaken zien, zien ze werkelijk, reëël dus gie bepaalt wa dat er ollemale in je leven speelt klinkt nie logisch? akkoord, mo lat et effkes rustn en komt er loater up were, toen verstoajt oenderbewust e regenbui is in essentie nie lastig of zalig mor afhankelijk van oe dak ikt beoordelen bepaal et ook t’effect dat et, woa dat de 1 een leegte ziet ziet een ander pure ruimte en et potentieel dat biedt de toeschouwer makt een schouwspel toet wa dat is Aristoteles ze metafysica is dus geschikt voe te begriepn oe da potentieel geactualiseerd wordt kinesis wordt de entelechie, die g’observeerd wordt oneindig energeia de lezer schrieft et boek de kieker makt de film en ook de fan beschildert zelf et doek tvertrekt vanut de wereld, en eindigt in jen innerlijk en doa onstoat het “ding”, afstotend of beminnelijk Het Ding is pas e ding geworden bie e blik e benadering, bie nader inzien, een ogenblik Het Ding dingt nor us oordeel, beweegt no de configuroatie da we wieder der up kleevn Het Ding is pas e ding geworden bie e blik e benadering, bie nader inzien, een ogenblik Het Ding dingt nor us oordeel, beweegt no de configuroatie da we wieder der up kleevn Het ding is pas on wieder zien, of on we wordn de choas kriegt pas bie uze eigen deelneming vorm betekenis is extern, nie onderdeel van de dingn de dingn zelve zien betekenisloos… ze zien de dingn nietn meer ze worden meer deur de interpretoatie uze interactie is bepalend voe de situatie oe da weommegoan me zaken got manifsteren de realiteit is e verhaal da wieder zelf creëeren et ding zien we noois, mo enkel de impressie van de geest ent verstand, e gelimiteerde perceptie een iriserend schouwspel, verschooln het einde zit verweven int begin lik e vlam in brandende kool en tbegin zit ook int einde et ding is potentieel da in de handn van e subject leidt toet iets instrumenteel en tbegin zit ook int einde et ding is potentieel da in de handn van e subject leidt toet iets instrumenteel Het Ding is pas e ding geworden bie e blik e benadering, bie nader inzien, een ogenblik Het Ding dingt nor us oordeel, beweegt no de configuroatie da we wieder der up kleevn Het Ding is pas e ding geworden bie e blik e benadering, bie nader inzien, een ogenblik Het Ding dingt nor us oordeel, beweegt no de configuroatie da we wieder der up kleevn

Als kind werd ek geïnspireerd deur Amerikoaanse rap nie veel loater goot ek zelve d’eerste regels in e track der zien vele joaren weg Nu ziek de Hip - Hop, versie van e Shakespeareaans sonnet nu lat ek m’inspireren deur regendruppels dien’t glas tikkn of van de smaak-sensoatie dak voeln ok an e glas nippn bie elke bar dak kneden voel ek letters up men ofkomn ’t quotiënt van’t product dak deeln zit in e slotsom je smakt nie olles dak ik up je bord proppn mo je voelt daj me moe respecteren lik e verbodsbord ik vattn de koe bie zen oorns, doen an topsport me Posse rund de scene, koeionierend in us Osdorp ik klinken lik of dan de meeste rappers hoopten dan ze deden on ze dromen en under over-estimeren excuseer me dak je zomo met je neuze up de feiten duwn rap is woarheid en ik zien in stoat voe met me rijms te huwen dus pak me nie licht up, ok je me nummers geevn t’mak nie ut oj gie e kleuter ziet ik zien gin knuffelbeer rauw en oenversneden, lik handgerolde charras ik zien de latste oase tusshen olemaal Sahara’s zo ver vorut up olles dak ol biena were achterkomn omdak ik up de micro golven ol woarek e magnetron me teksten gon de tand des tieds poetsen lik et partenon eeuwen loater worden upgegraven lik e mastodont Ok rappen brik ik los deur de geludsmeur de woordn stroom ut me, ik moen ze der nie ut sleurn tzit in me toet int diepste van me vezels de drang, voer et spel, te wiezigen met me regels Ok rappen brik ik los deur de geludsmeur de woordn stroom ut me, ik moen ze der nie ut sleurn tzit in me toet int diepste van me vezels de drang, voer et spel, te wiezigen met me regels zoender scheermes snij’k de zaken an an mach3 rapper dan et licht flowek up de ollertraagste beats ik blendn in in d’omgeving lik camouflagenetten en duwn inkt up je ziel lik dak tattoages zetten ieder letter is e stik van me persona en dus is me stijl zo herkenboar lik e bliksje cola overdraagboar en besmettelijk lik e soa en verslavend lik de zoete smake van e fles passoa ze zeggen dropt e pop ploate, stopt die niche mo verwacht je nu e monopolyspel van Bobby Fisher ik kun jen olene bieden wa dak zien en nietn anders e glimps geven van’t apeiron van Anaximander me pen schiet bliksemschichten of lik dat ie eigendom van Zeus wos bikan lik ofdat zelve ze keus wos ik geven jen een regenboog en je fleurt op van die natuurlijke sensoatie achter ol die kleurstof ik en gewerkt an me skillz, nie evident voe licht te zien want je zie juste mor et duster gewend ik zitn diepe in die shit, k’ken olle 5 elementen mo doen men eigen ding dermee gelik me studies in Gent kzien e student kstuderen toet dak zeker en wel kun zien daj no me upkiekt lik et hemelgewelf dus bluf ek goan, zo zwoar dak zworte goaten absorberen en de upgenomen energie toet ploaten transformeren Ok rappen brik ik los deur de geludsmeur de woordn stroom ut me, ik moen ze der nie ut sleurn tzit in me toet int diepste van me vezels de drang, voer et spel, te wiezigen met me regels Ok rappen brik ik los deur de geludsmeur de woordn stroom ut me, ik moen ze der nie ut sleurn tzit in me toet int diepste van me vezels de drang, voer et spel, te wiezigen met me regels

Soms peizek an de zaken dakke vroeger an mo’t verleden ku nie werekeern lik e boomerang dus, ik voeln me gerust, hoeven gin druk up zoek no geluk, oefenen up telkens een oenbevangn moment in de vroegte vangn, morgenstoend vanmorgen stoend me wekker weer e poar seconden te vroeg nie evident, mor ik doent pertanks ol up gevoel en doe me best voer oender andere de ochtend te groetn tis nie zo simpel je deur bochten te wroetn of voe te doen, lik dat ol in orde komt beist dat ollemaal vloekt je meug geluk gevoen en, mo we zien oltn up zoek mo kzien content me wa dak eb, toet de volgende vloed we bluvn golvn… up et ritme van de tied de blik vorut… van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn we bluvn golvn… up et ritme van de tied de blik vorut… van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn Ik peizn nie an zaken dak kun loater en want de toekomst is nie zomo in e vaste moat te prentn dus, ik geevn gin fuck, leevn in rust liefde is nie meer of e de-hallucinogene drug die de sluier van et leven werpt, de zaken rastert scherpt stelt, vervaagd, verzocht mor ook verarterd geld is geld, vandaag, mo morgen misschien anders dus ik investeren nie in iets da joarenlang verankerd en je sloopt de drang nor ossa meer is te verdringn want tgrotste vant genot daj et ervoarn kwam ut kleine dingn ol ist er ossa mo meer te vien, en bluf ek zoekn ziek content me wat dak eb toet de volgende vloed we bluvn golvn surfen up et ritme van de tied de blik vorut van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn we bluvn golvn surfen up et ritme van de tied de blik vorut van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn ik peizn nie an zaken dakke nu willn en want in et nu beweegek zoender peizn anders duw ek rem achter rempedaal in, tijdens et proces droai et om doen, nie peizn, peizn is de omweg vraag et Hegel, of iedereen die oois et zittn peizn over’t feit dat ie in feite, ossan te vele peist tis vergif je moet olene peizn van vooraf mor int moment moej teugels losloaten, vertrouwen up de draf en et raderwerk des toeval, dat iedereen omvat zo krieg je vaak et latste daj verwacht et eerste up je pad en ol is de boane soms langk en kukke ossan mo bluvn zoekn ziek content me wa dak eb, toet de volgene vloed we bluvn golvn surfen up et ritme van de tied de blik vorut van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn we bluvn golvn surfen up et ritme van de tied de blik vorut van vergoane zaken ek gin spiet tet ollemaal gelopen oe dat wos of moest zien zodak surfer koste worden tijdens hele droge tiedn

Lat je nie vangn, wen elke schone ziele nodig Lat je nie vangn, want tis wieder diet goa moetn doen lat je nie vangn, wen elke schone ziele nodig Lat je nie vangn, met liefde kom et ol wel goe lat je nie vangn in da net woa dad iedereen ze zeg zegt mo nog weinig wit wat dat ie doet doe geweun je best en verspreid olene tekst oj der zeker van ku zien dat minder kwoad ku doen dan goed kgeevn je me zegen, zodaj gie zo weten da je erte juste is, dus oed em mor int oog want ookol zoejt vergeten, ist ie nog anwezig mo soms zit je vaste in de kamers van je hoofd Lat je nie vangn, wen elke schone ziele nodig Lat je nie vangn, want tis wieder diet goa moetn doen lat je nie vangn, wen elke schone ziele nodig Lat je nie vangn, met liefde kom et ol wel goe Lat je nie vangn, vangn, gelik e kieken in e kooi Da ze plummen vo de doshes en gebruiken lik e prooi Ze klopn up je koptje en ze geven je wa fooi Mo upt ende van de rit sto wel de rekening in rooij Van die para-parasiten en die profi-profiteurs Gin gangsters en bandieten, nee da zien mor amateurs Ik klapn van bedrieven met die dikke directeurs A ze beln van de belasting zien ze weg langs d’achter deur Ja tloopt vele man verlopen, us systeem is lik e doolhof Vul liegers en bedriegers, jup ze droaien je ne kloot of Want de woaried word verdroait en tverdwient ol in de doofpot Ze kriegen mene vienger dus ze zetten me de je poot of Lat je mo nie vang an ol de truckn ut de doze Heel de wereld in de ban van, en schapen in hypnose Zet je oogkleppen up toe kleur de hele wereld roze Mo pakt die bril af, toen je zit vast ier in de moze Lat je nie vangn, wen elke schone ziele nodig Lat je nie vangn, want tis wieder diet goa moetn doen lat je nie vangn, wen elke schone ziele nodig Lat je nie vangn, met liefde kom et ol wel goe ik laat me vangen door perceptie, gedreven door perfectie
 Een visie dak ni ken maar waar ik beter ben 
Ik ben wie dat ik ben, pure zen
 Positieve Vibes voelen goed Voelet in men stem 

Stemmen in men hoofd verdwijnen als ik het vertel
 Wel tis ok opt gevoel af maar dan niet te snel 
Blijven denken tblijft een must, tis verplicht
 Overzicht behouden in het donker zoeken naar het licht Lat je nie vangn Lat je nie vangn lat je nie vangn Lat je nie vangn, met liefde kom et ol wel goe

Een ongeschreven blad, schrijf liever met de pen mr typ de letters op het keyboard in't klad, ik had veel vragen en de conversatie onderschat gegraven in gedachte omdak het antwoord nodig had nieuwe plannen, verleden op den achtergrond afgerond naar boven,blijve hopend op wat komt, gegronde twijfels waaien weg de nieuwe weg zelfzeker ingeslagen break a leg, tisdak het u maar zeg kick en start klaar voor een nieuwe zet schakel hoger door de nieuwe traks op de rex, de waves en de heads als het lekker voelt bangen met de heads, voel het ritme komen semi automatisch op reflex patronen komen vrij vrij van verlangers fictie in het echt recht uit het hard handig richt men peilen beter op de bars the bar keys soul sound soul train marvin gaye de meester van de motown schrijven voor de kunst, regels vol zinnnen van voor af aan zonder introdctie herbeginnen beats per minuuten lang de grooves laten vloeien voel de soul in men lijf mein de liefde blijft groeien keep up the faith,britse cult classics het deep city label, big mac voor de kunstkenners stevie steez zen eigen wereld wonder het licht gezien door de syl compleet overdonderd ik veern up en zetn me veer neer up blad ol me veren vederlicht, me geweten in et schap van me kast, me kist, met boodschap, me boot me schip, de ankh is men anker tijdens nood der is nood, aan zuivere tonen, we moen da tonen an elkoar, e vertoning.. e nood an pure noten nie te kraken, tentoonstellen komn toet akkoordn lik e koor, t’orkest van me hart speelt in me oorn en ik horen, de hoorn overgaan, e plof t’alarm schiet an en dus got et alarm of… we zien al arm en armzalig ot e hele zale je ramt, van e ramp, tis rampzalig je rank is dwangmatig, gemakt, toet mak lammetje verlamd deur de ram die je ramt, e zwak mannetje noemet e middelmoat, gin echte chille moat een oendermoatste moatstaf, e hard hart in prikkeldroad soms te prikkelboar boar je enkel prikkels prikt je boards vul me post its en openboart lichte tunnelvisie mor elke ziel is blindelings up missie blinde vinken wordn angevinkt, mo vien gin intuitie weinig vivre in de vlerken, de vleugels soms verlamd weinig energie voe te kun werken, werkt onderhands werkt twijfel in de hand, mo bluft ossan werken toet dat werkt en je je droom in de werkelijkheid ku werpen 
 De Nood, is af en toe hoog, dus moe jet tonen oed je toon toonvas, draai ze om toet de noten die tegoare resoneren, en komt toet een akoord lik e koor, t’orkest van me hart speelt in men oorn

 De Nood, is af en toe hoog, dus moe jet tonen oed je toon toonvas, draai ze om toet de noten die tegoare resoneren, en komt toet een akoord lik e koor, t’orkest van me hart speelt in men oorn