1. |
Synesthesie
02:59
|
|||
Verse 1
Kzien een ontdekkingsreiziger die navenant de druk verhoogd
ik bluvn ossan zoekn, me gedachtegang is rusteloos
kleesn int boek van universum, en ik tappen
ut verschillnde vatjes ok willn snappen wa da geluk beoogt
ktrekken de angel ut us Angelsaksisch bakeland
ieder conventie mist iets van dimensie die us aanbelangd
steriele naalden prikken dagelijks us lichaam binn’
mo de acupunctuur is verzuurd, en et nog weinig zin
woar is de kosmos, die kinders inspiroatie gift
of echte liefde die stimulerend is voe reloatiedrift
gin utgeholde theoriën dien de destinoatie missn
en de val van uze verbeelding de situatie is
die geldt… we vrezen t’kaf die boven’t koren stikt
en en nix nie te vertellen ot ol t’belangrijke verloren is
onwetend over de loading emotie die in woorden zit
begeven w’us int lege residu van e gebroken licht
we missen synesthesie, die olles topebindt
genezen is nie beter dan vorkomn mo we geloovent nie
we worden ziek omdaw gevangen in e psychose angn
de grote obelixen mixen bucht in under toverdranken
checkt de symptoomn… ot olleman ant lijden is
en in essentie mor e hele kleine stap verwijderd is
van angst, beschamd over tgene daj verlangt
omdat de grote boze kille moatschappie nie anbelangt
Refrein
..Ik wiln begriepen en wa meer synestiseren
de zaken goe bekieken, nie olles polariseren
van de start, de kracht zit em in et combineren
van je hart… tope met den inhoud van gedachtn
..Ik wiln begriepen en wa meer synestiseren
de zaken goe bekieken, nie olles polariseren
van de start, de kracht zit em in et combineren
van je hart… tope met den inhoud van gedachtn
Verse 2
kleur is simpelweg de kleding van de ziel
mor oj te utgesproken ziet, wordt je meninge vernield
en in de kiem gesmoord, ik vien gin woordn voe me ut te drukn
over de maniere woarup dan de menshn ut de lucht voln
oj ze der effkes up wiest
dat er meer is in us leven dan te werken voer e boas van e bedrief
e scheve blik, “tis weer e roare anarchist
e hippie, ze kamer vul me paarse amethystn
ne zie nie dat er nix is buten leven en de dood
en doarom zweeft ie, anticiperend up e etwuk groots”
mor ik weetn nie, ofdaj iemand azo met e cliché moe sloan
nie tegentoande dan clichés de woarheid vaak in rede loatn
veralgemening leidt olene toet vernauwing
mo we kun de rumte openbreken tijdens de verbouwing
en e plekke scheppn, woa dat et andere anverd is
en elke blik gericht up uze wereld tzeste werd is
… me wereld groeit, en ik boefen minder eenheidsworst
omdat de variatie van e droom em noois olene vormt
de combinatie van akkoordn makt me hele zot
….muziek is tgene daje noois kut ut me kleern woshn
we zien versmoltn, met noten en met octaven
en ken gin cokes nodig voe me energie te staven
tis rauw, ontwapenend, ver van hypocrisie
up et moment daj olles overgift an de synesthesie
|
||||
2. |
Je nam et van me
04:54
|
|||
Refrein
ka je olles kun doneren…. me hele wereld geven..
mo je nam et of….
kan je olles kun doneren… me hele wereld geven
… mo je nam et van me
ka je olles kun doneren…. me hele wereld geven..
mo je nam et of….
kan je olles kun doneren… me hele wereld geven
… mo je nam et van me
Verse 1
je stal et, je stool et, en nu bluvek dooln
in e lege wereld woa da niemand wit worom daj tjoolt
stoaren in de leegte van de hoon, voaren
up de vleugels van e nooit geschapen droom
en toen voel ek men e butenstoander
iedereen is ant connecten mor ik zitten wa te spacen up men eigen lik e rumtevoarder
in gesprekken doek an giswerk
want vaak got over menshn dak nie ken of situaties dak gemist en
zest in e dichte kring zien e vreemdn voe de meeste
want wat dat er binnenin me is te vin is soms nie geestig
dus latteket achter slot en grendel, mo je nam et van me
.. en gaf et nie ze juste plekke en dus kwam et harder an
dan dadded werkelijk moe zien
men eigen diepste zelvn zag ek letterlijk verdwien
want je makte me een ander, en makte mien kapot
mo nu dak verder stoan, verstoak dat mor e deurgangsfase wos
Refrein
Verse 2
teerste moment dat m’overkwam, ak nietn in de goatn
e stille moordenoar die dichter kwam doorheen de joarn
kwos gevangn, up e moment dak te roekeloos woarn
in e nachtmerrie angekled lik e droom decor
twos facoade, kliepen in de val zoender genoade
deerste ki dak er bewust van woarn
kwam ek zot, mo gin avance
je woare gezicht bleef onbekend
en dodeure kreeg je gie ossa mo weer e nieuwe kanse
weken an e stik azo, moanden werden joarn
ik werdn me meer e meer bewust vant gevoar
mo kstaaknt up de butenwereld, en gaven joe me leven
me wereld, ik an je letterlijk olles willn geven
en da wist je, da wos je hele plan van int begin
ik speelde in e spel dak onmeugelijk kostn winnen
en dus brak ek, vanbin, en gaavn je me trots
en wa dad er over bleef nam je zomo van men of...
Verse 3
kan je olles kun doneren… me hele wereld geven
… mo je nam et van me
en gaf et me pas were upt moment dak je dermee ging confronteern
twos dagenlang zoeken nor e reden
verdrinken in de spegel, bie de minste druppel trokkek men ol were
kwos nie upgewassen tegen de grote golvende leegte
… ta me niemand leern zwemn in e verroaden woater
want ze verroaden je ot mo past en verloaten je loater
doarom dak et moeilijk an tmoment daj me verried
en ek ofgezien...mo nietn komt nooit voe niet
nu begrijpek daj me gaf wa dak ol ossa moestn kriegn
…. type cadeau woarover da je moatn zwiegn
sommige menshn kriegn noois de kanse voe te weten
wuk dat er temidden in da schone cadeau a gezeten
e nieuw leven, ik an et je wiln geven
mo je nam et van me of, mo kent eindelijk begrepen
merci ego, achter joarn ekket were
en nu ziek ik vastbesloten voe’r et noois mi weg te geven
Refrein
|
||||
3. |
Kriebel in me kop
03:47
|
|||
Verse 1
de zunne straalt en de veugels zien ant tjirpn
t'unvisersum lacht me tooe, en ke goeste voe te flirtn
met de beats en de grooves, tis nie voe niet dude
dakket ut me ziel, en dus voe niet doe
je ku de liefde noois stoppen, dus willek verliefd doen
liever echt geliefd bie e lief dan e twien die olene lief doet
aj ze wa ku biedn… lik of dazzet verdienen
je ziet zet doen metn dien enden dien en dien
ende reden dakke da vermeldn, vien ik mezelf
want bie mien ister mo plekke voe 1 twien
… ik zoekn dus gin del, mor etwien dak
mee versmeltn van moment dak ze voe t’eerst zien
… ze voedt men intelect
en ze kneed me gevoel tope toet e silhouet
zis zo fit da ze lopt uppet ritme van de klop
van men erte, ze gif me
bridge
e kriebel in me kop
Der zit e kriebel in me kop
Der zit e kriebel in me kop
Der zit e kriebel in me kop
Break
Refrein
Der zit e kriebel in me kop
Der zit e kriebel in me kop
Der zit e kriebel in me kop
Der zit e kriebel in me kop
Verse 2
kzien verliefd up wien da zis, enkel zie zieke soms in me dromen
verdrinken in eur ogen
is veel beter dan goan zwemn want bie eur lat ek me zinkn toet de bodem
soms stijg et no me kop
weinig woorden nodig voe de liefde te beschrijven
… mo tis beter van de liefde te bedrijven
het is geven zonder krijgen, spreken voe te zwijgen
en uren vertederd kijken naar je ware wederzijde
want zij, is de enige waarmee ik wil bouwen
aan een toekomst want der zien te weinig menshn dak vertrouwen
… er is geen ouden an... we ouden vul tot houden van
nu is er sprake van een goeden band
kzien verliefd up de wieze da ze peist
eur gedachten, de maniere van eur kijk
tis de vrouw achter tfysieke woadak toe zien angetrokkn
dus gin kriebels in me buk, mo
Refrein
|
||||
4. |
Ruimte voe te groein
05:43
|
|||
Rerfrein
Der is soms, veels te weinig rumte voe te groeien
wen nood aan e verzet-tje, die us ku boeien
dus zet je, verzet je, en lat je niemi boeien
of gevangn nimn… ,we moetn ossan verder bluvn roeien
Der is soms, veels te weinig rumte voe te groeien
wen nood aan e verzet-tje, die us ku boeien
dus zet je, verzet je, en lat je niemi boeien
of gevangn nimn… ,we moetn ossan verder bluvn roeien
Verse 1
De totale rust is de definitieve beweging
verbale vuren blussen vergt mo weinig redenering
tis vaak de lust die driftkikker is, elke instinker
mist doel omdat er gin instinct mir in zit
fuck de bla bla, “ wetenschappelijk gezien
is viscositeit van lava ongezien
voer e vloeistof”… wad ej gie nu gezeid
en ad da enig relevantie butn et t’weten van da feit, zeg mo nada
soms ziek zelve de grotste nerd
o connski nie zo productief wos, toen droegekik neoplatonische shirts
dien der zien en nie zien, … me mouwn of zoender
ow us oendertusshn trouw verwoendern over bruggen bouwn no vroeger
we kun leern ut gedachtn van vergeten personoages
die 60 joar gepeist en over twa en t’resultoat
en gevangn, zoendert vast te zettn mo los te loatn
toet dat de ziel van de gedachte oentpopte in vul ornoat
Refrein
Verse 2
oj gezicht lat kennen, zoender lagen van maquillage
mor e frisse blik, blikken ingeblikt, lik e bliksemschicht
kraken van ravage… ingewikkeld is et inzicht
die in ritme gewikkeld is lik camouflage
tan groeit je wereld open, en ist er rumte over
en liekt elke beweging daj makt van voorn utverkoorn
elke vederlichte stap is afgetast en utgekozen
elke wegel is e pad da wakker makt en utnodigt
ik babbelen wa te rap, mo ken gin vust nodig
voe men indrukken uit te drukken ok me utgesproken
loatn ken, tis zoeken no t’perfecte coëficient
e gebalanceerde route is de weg daj moe verkennen
mor iemand zei: volgens mien is de weg wiezer
dan de wegwiezer, dus gok ik up weg, zoender feitn
oenwetend lik e kind, die quasi olles wit
omdat et zworte nog nie ofgescheiden is, verlicht
gevederd, nog verre van verveld
verreweg van de omweg, omda niemand je wad et vertelt
toen snap je olles, omdat er niet te snappen volt
moment dajt snapt is plots up dag, voledig achterhoald
der zien gin zekerheden, zest das nie eens zeker
dus kverstoan dat moeilijk is uit te groeien toet zelfzeker
en arrogantie te vermijdn, met respect
in gesprek treden oj probeert e boodschap te verspreidn
Refrein
Verse 3
met de riemn dam en, en ze goed meuglik verzorgen
geliek wat dat er no je wordt geslingerd of geworpen
der zit gin uplossing mej in e dieperik te stortn
en geliek wa, je ku noois geschiedenis vervormn
we kun leren van de fouten, meesters van vetrouwn
tmeest van ol, kud iedereen wa leern van de vrouwn
want shakespeare wos scherp met de scene ant balkon
romeo up de groend moet de vrouwe tegemoetkomn
de ladder up, voer up e zeste vibe te zitten
zo da romeo ku proeven van de ollerfraaiste lippen
ik trekkn doa me lessen ut, zoender dak twa geleerd en
en loatn were los up de momenten dak et neerpennen
kzien nie geïntersseerd in scheepsrecht
ken minder redens voer e meerderheid van zin te steken in e leestekst
en enigheid van interneren leer je nie ut schoolboeken
d’enige reden daw ollemoale soms verdoold zoeken
Refrein
|
||||
5. |
Spegels
02:34
|
|||
Verse 1
kieken in e spegel, is stoaren int verleden
juste mor e poar millisecondn, mo desoendanks
ist veelbetekend... je ziet jezelvn noois nie echt volledig
dus je stoart in e fragment en komt de waarheid zelden tegen
de functie van e spegel go verloren deur cosmetica
der zit weinig reflectie int bekieken van de make up kast
we stoaren nor e versie van uszelvn voe de ander
want je past je an voe in te passen ot de trend verandert
spegels hangn in openbare toiletten
voe te zorgen daw us hoar in de juste coupe kun leggn
tis gin reflectie mi mo volse schien
we e gin spegels nodig voe te weetn wien da we zien
Refrein
kieken in e spegel, is stoaren int verleden
juste mor e poar millisecond nateurlik, mo, desoendanks ist veelbetekend
kieken in e spegel, is stoaren int verleden
juste mor e poar millisecondn, mo desoendanks
Verse 2
Tmoment daj in e spegel kiekt en jezelvn ziet voe wien daj ziet en niemi probeert
weg te lopen van da beeld dad eigenlijk, werkelijk, voe je neuze stoa gereflecteerd
up die gloazen uppervlakte die in de badkamer meestol vo je neuze angt upt moment daj
ut de douche komt
is de, eerste dag, van je leven…
Refrein
|
||||
6. |
Darren Aronofsky
04:10
|
|||
Verse 1
Me dialoog is ruw lik bie Darren Arrenovsky
me vocalen zien even zuiver lik de hymnes van Tchaikovski
kristalhelder scherp ekik me flow gelik Swarovski
zoender dak ik min eralen, e dagelijkse portie
arsenaal met een utgestelde werking lik arsenicum
ut kromme letters bouw ek geometrische imperiums
… de kwaliteit is premium
me crew oed et echt in een oendergroends web lik mycelium
heel me kamer is in duizeling gewekt
zest de ofgeleefde kroonluchter lustert no me raps
ik hypnotiseren me papier
toet dak voe mezelvn zeker weetn dak up punt zittn lik e fakir
je ziet de woordn ut me bek flippn lik e flic flac
ze brandn omdak letters bakken lik e zak nicnacs
gin mikmak, orchestratie lik Hans Zimmer
die muziek makt… oeveel fans zien er die de tied pakkn
en duken in de tekst, ik uiten men uprecht
ieder vers is uniek ol wost mo vuf minuten werk
is de impact nie achter vuf minuten utgewerkt
mo versterkt, t’concept et e bluvend effect
tis onbegrensd, juste lik et repertoire van Esher
zest Cesar Milan krieg me nog nie an de lesche
kbeslissen voe mezelvn ol ist ander vaak fresher
zittek zelve achter t’steur lik e kaviaarvisser
vele rappers zien de bar mo gon der amper over
ik verleggen grenzen lik e kolonist die land veroverd
bijten me vast in zaken mo de smaak is assan pover
want ik leggen vultjes bloot en ze noemn me tan de stoker
mo fuck it, we graven lik e ofgetrainde veenmol
en ow up shit botsen en we Loffers ze wc-rolln
of Robinoed et ergens nog e pulletje met Detol
gliek wa dat er komt ik weetn zeker dat goa meevolln
Refrein
Verse 2
de beelden dakkik schetsen zien precies lik van e cartograaf
ol lat ik me soms vangn an onprecisie in me paragraafn
ossan oenderboane zoender visie up e latste bar
leg ek ik et fundament nere lik e bassguitaar
kzien ant kerven up e blinkend blok marmer
en me beitel is geslepen lik e slinske bospanter
mo woa zit de echte kracht, ist in visie of ist idder
daj moe vrie zien, juste nie zien wa dat iedereen verwacht
en ol haten ze je fok em
nie lusteren, der zit teveel gespuis in de oenderlaag van Gotham
ik deeln me mening lik in e column
ol me punchlines zien rechtut want k’trimn ze me’t scheermes van Ockham
kbluvn bie de roots lik Jimmy Fallon
ik moen nie braggn en toch kom ek ik me dope shit ol wos ek Woody Allen
tis oenverwoardelijk dak olles in e track stoppn
dus zoender oordeeln deel ek ol dat up me weg komt
Refrein
|
||||
7. |
Prometheus
02:44
|
|||
Refrein
Me raps zien gelaagd en symbolisch overgoten
geinspireert will ek t’mythologische promoten
de lessen ut verleden tieden geevn me de kracht
te geloven in de toekomst van me leven en me pad
Me raps zien gelaagd en symbolisch overgoten
geinspireert will ek t’mythologische promoten
want de lessen ut verleden tieden geevn me de kracht
te geloven in de toekomst van me leven en me pad
Verse1
me kracht is oenutputtelijk, ik en de Stamina van Hercules
ik tappen van de zunne, me alias is ingeblikt
horus, de zeune die et nageslacht et ingelicht
de torus, is de mathematica van bliksemschichtn
de stratigrafia snapt nix van de sphinx
oed jen oorn mo gespitst of je vat nix van de lynx
dak je gif, e prikkelende prik lik slangebeetn
onderhuids zit er meer dan da dermatologen weten
ik geevn joen e stik van mezelvn ok up e track spitn
ik zien e hesperide die de gouden appels weg gift
kwos prometheus geketend an de kaukasus
mor ethon is verslagen en dus kommekik olgauwe thuis
calypso ek kun overwinn
mor odysseus et meer dan 3 stops nodig get voe te bezin
Oedipus is blind, mor et wel et licht gezien
lik theresias, Ik zien e mythe in de scene
Refrein
Verse 2
elke stap, kusshek vloeren in de stal van Augias
mo Hylaas, lop ek af en toe in fouten vast
...da zien me kansn voe te groeien, me maretak
dak altied al bewaken lik dak priester van diana was
kweevn de woarheid up e doek gelik Arachné
en leiden joen ier deur me labyrint lik Ariadne
me skill is, nooit nie up te geven lik Achilles
dus ik bluvn deurebieten lik da cerberus me ziel is
de deal is, noois nie om te kieken, mo vertrouwn
ander eindig je lik orpheus tussen gemene vrouwn
voe je zangstem, je wordt gekooid oj talent et
les mouches, liggen up de loer oj uprecht rapt
voer voe je boekekast… tzit e verhaal in
ik declameren lik de kikkers van Aristophanes
floreren in me joenge jeugd ol woarek adonis
heel me leven is toet up de dag vandage mythologisch
Refrein
|
||||
8. |
||||
Verse 1
de lucht is doenker oker, de lichten schettern rechte in me wezen
mor e poar minuten verder zittek in doenkere stegen
en tis chill… tdroait e muzieksje up den achtergroend
da momenteel juste de functie et me moatn wakker toedn
twos lichtn feestje, mon nelft is heel kraké
en ligt te slapen up de achterbank
best dat de chauffeur tenminste wakker is, doamee
dak ik vertrouwen en in men achterban, en elke gast
die doa vanachter zit krieg ek ik warmte van
up kille dagen, ik willn ze vragen mo ze geven mien
oltied een antwoord, olvorens da me lippen e kik kun maken
connectie… e synergie nie te beschrieven
e diepgang concurerend met hieryogliefen
e nieuwe ploat bust, en jiggy schiet wakker
connard zit achter’t steur en e zet de beat arter
groene is ant bumpen en bobbin ligt tegen dek
en grazz ligt snurkend in de koffer, te crashen up ze decks
loffers is ol 7 eurn thus, up ze sokken
toegekomn met maartn upt moment da wieder zien vertrokken
an 137 per eure over de grid
en que ried nog etwoashn achter met aminah in ze zie
illusive kost nie mee ne wos e tattoo ant creëren
jack wos bezig met e workshop te geven
en brecht wos ol die shit dak ier vertelln ant vastleggen up beeld
en steven en DB administreren crimineel
de hele vloot, equal an de liene
voer et volgende feestje t’organiseren, de vibe is fokking zwiene
tis liefde voer elkoar en, en bovendien ook toon’n
proberen weg te bluven van iedere hoon
der is e schoon vorut-zicht, de wegen voe te griepen
ieder pad is nog te kiezen met me homies an me ziede
us leven is e rit.. nie vele meer dan da
zolange daj em nie olene makt ist ollemaal cava
das me vorut-zicht
Verse 2 - Groene Viengers
|
||||
9. |
Shalom
03:40
|
|||
Verse 1
Instinct, de innerlijke drift driengt in me merg
tist diepste inzicht, dak ik temidden in me scripts verwerkn
…tbinnenste is buten proportie, ik zettnt in de verf
ik zie gin blinde vink want deze introvert ziet extra ver
oj wien wilt moej stampen up druvn
Soms moej kort deur de bocht goan voer upt rechte pad te kun bluvn
wukke wereld, zupen is officiële sport
mo sommige flessen daj drinkt, zorgen da je zelve juste leger wordt
kzien deur die bullshit, dus drinkek vloeiboar goud
aka zuiver woater, diej e hele lichaam voedt
frisdrank, tevele dervan en je zie nie fris niemi
tis suiker in vermomming, ze promotent lik e hippe snit
T-man, lat mo zien ik wieken of
en wieken ut, mo das oe me zinnen nu ip mekoar boksn
ik schrievn nie, ik worden geschreven en stoan up blad
Newton wist nie dak ging komn met de ollerzwoarste kracht
tis van da, “ne bragt en boast were, wukken kwal
en tan up ander tracks ist ie lik mummia abu jamal
make your mind up!” mo ze zien de paradox nie
of zien em wel mo zien em nie als optie
en juste optioneel, mo tis tenigste werkelijke deel
da tegelijkertied ze besten liekt te doen als geheel
dus lat et los, serieus, lat et zien en tgo komn
ot azo zoe zien bedoeld, gift us de vrede, sjalom
Refrein
… tis tied dat de bekrompenheid verdwijnt
dus duw ek der wa licht in, toet dat de zunne schient
.. de wereld is gemakt van papillons
e, verwiederd van de puurte van de bron
… tis tied dat de bekrompenheid verdwijnt
dus duw ek der wa licht in, toet dat de zunne schient
.. de wereld is gemakt van papillons
me beter tiedn up komst
Verse 2
Logisch verstand, verstomd me, verstart me,
verstoa me nie verkeerd, tis logisch daj de logica moe leern
mo vergit et opt moment daj niet van smaak smakt
schrapt olles van je blad, de poubelle in, tabula rasa
me boudrilliard in dachtergrond gewapend tegen fake
up zoek no no de woarde van e mondiaal be-rijk
we zoaien Bolderik, heel de wereld zit up zwort zoad
wa dacht je ook te oogsten oj moe zoaien in e rotstoat
en ja ok, tis ier veel beter dan twoar anders
mo das relatief, en nix is absoluut behalve kanker
dus lat me zien met ol da slappe compromis
… ik zeggn me gedacht zoender censuur van d’industrie
gin fucking eufimismes, gin scheldwoorden mijden
on ze impliciet kun biedragen toet innerlijk verrijken
mo, der zit gevaarlijkheid in groot wordn
want oe grodder daj et vier makt, oe meer duster dat er goa blootkomn
plotse ziej niemi just de rook mor ook de oorsprong
de wiege, vanaf de wiege ken je nix van voorsprong
tis krupen, kwieln, en roepen van “ik willn da
die nieuwe fifa10 en de nieuwste Zelda”
we worden noois adolescent, of terminaal bejoard
tzien woorden damme plakken up dingn damme nie verstoan
mo tis bieka gedoan, want ook de slingers stoat up punt
were te keern no de plekke woa dat ollemaal begunt, shalom
|
||||
10. |
De Hoofschotel pt. III
04:20
|
|||
Verse
Noem mie mo Orpheus de rapper, ik betoveren met me stem
e Rhapsode, geboren en getogen tusshen jams
ik schudden Gorgiaanse retoriek ut me konijne-hoed
je wilt me lappen, mo kzien bie de pinken lik e vingerhoed
der is gin 1 die moe proberen wa da wieder doen
me clique is zo classic lik de bassen ut e minimoog
en ookol stoat uze ambitie nog in kinderschoen'n
Karl zei May dawe grodder gon zien dan Winnetou
kzien gin tsunami dus meug ek ik overdrieven
zest Oscar Wilde meer ut tleven aaln dan schrieven
de latte ligt zor hoge, nis verdween ut me gezichtsveld
ik mikken no de sterren ookal raken ke mor in nelft
energetisch, je got elke volt voeln
van de track… ik maakn vernieuwende oldschool,
je ku peizn wa daj wilt mor ik werken an neo-classics
24/7 bezig lik National Geographic
flashbacks no de tied van lege backpacks
strakke rapsets, cyphers met de homies up casettedecks
next level spit ek e script met de finesse van e
zilverrik die ritmisch zit te kloppen up ze ribbekasse
me stijl is sexy omdak ossan geile beats pakkn
ksprintn over tracks gelik een ofgetrainde cheetah
niet da me meer in extoase ku briengn da hip-hop
ik voeln men up me plekke lik toeristen in e giftshop
me teksten zien up weinig vlakken ergonomisch
men rijmschemas worden oenderzocht up technopolis
me flow wordt bestudeerd deur maritieme biologen
en de paradoxen in me raps zien voer voe psychologen
me punches zien zo killer ol me raps zittn in voorarrest
ik zien moeilijk te kriegen lik een oceanisch boorattest
ik kgeevn sjette lik vrijgevige coupeuses
gon te verre in me werk lik onzedige masseuses
je komn nie an me knie‘n zest ol wos je e sportdokter
nim nie olles serieus want je teen komn toch korter
met de joarn, ik braggn nie lik gangsters up de stroate
ik braggn in men teksten lik e kerverse voader
..Me crew is nie van brussel mo toch zieze supahfly
en der zien vele joenge gasten bezig an wa coole rhymes
checkt dus mo de goeie vibes
we moen geloven in e nieuwe generoate artiesten lik Peggy Gugenheim
mo kent gevoel dat uze media de bal mist
dat et respect voe woar talent in rap an lager wal zit
ze rappen over tettn up kutbeats, tis al nix
mo vo dajt wit is ol die booby-trap geweun e valstrik
mo moeder zei me: leven en loatn leven
dus griep ek olene af en toe in verses noar e reden
voe wa stoom te bloazen… de zee zit vul piroateschepen
mor ik stoan an wal, intern gedreven lik e ploatespeler
ik komn rechte ut de bar-moeder
tis zo da creativiteit in me aard woekert
ik zie nie t’type kaviaarproever
gif mie mo saffraanpoeder, kplukken zo de vruchten van e laatbloeier
met rap schets ek e portret van de tijd
wuk zeg je clichee, mo kzie gin fan van de fame
Noem me Rembrandt van Rijm
Ik probeern vant t’uiterste te aaln uit me minimale stembandbereik
e polyglot die vlot wit te creëren met ze toenge
ieder show dak rocken leegekik me loenge
ik bewegen in et roende lik neuroten manouvrerend up rotoendes
toet dak deur t’lint goan lik athleten in De Ronde
krappn zo vet da zest me micro peist an afslanken
ken ol 4 anorexia gevallen moen afdanken
zest me hoge tonen vibreren lge ik de bassklanken
… George Neumann ziej liggenn in ze graf janken
der zitten classic metaforen in men interludes
de vertaling volgend zit er inzicht in men interviews
kspreiden winterblues up Donna Summer samples
en ik steken oenderd kersen an met Elton John ze candle
ik rijgen woorden an mekoar lik Dadaisten
en creéeren zelf me regels lik bezielde anarchisten
en ot nie deur de beugel kan tan gif ek der e knal up
want kzien toet de tandn bewapend lik e kolossale walrus
ik scheppen leven in me tekst bie elke zucht
me lien'n sniedn deur de beat lik e mes deur lucht
je kost me nog nie kloppen oj de hamer had van Thor
want voe mee te kun ej vast en zeker pagina’s tekort
mo genoeg van da, misschien vien je me e nerdrapper
omdak tenminste etwa zinnigs in e verse zeggen
kun da verstoan, mo kloatn me nie versteen’n
want volgens mien zit er e Rottn in iedereen
en toevallig zit er ook nog e Vorre in iedereen
e bitje Tovenoare en e schep Gemeejne Bleejkn
e snuftje Smirrywirry en e sprankel Nihilisten
e kartje killo Joy, en e haptje Mc Rizz
e vleugje Rookwalm en e snipper Low G
der zit e puntje Siebrand in iedere mc
en ol zit iedereen in ik en ik in iedereen
zie’k vooral Samoerai, van me kop toet an me teen'n
|
Phatmark Collective Belgium
Welcome to the Phatmark Collective Bandcamp. We hope you enjoy the music.
Streaming and Download help
If you like Versificoatië III - Synesthesie, you may also like:
Bandcamp Daily your guide to the world of Bandcamp