Woarom? got olles in me leven up en nere
zieek de zeste beweging bie ol de menshen in me streke
zieme bezig met tevele zaken damme nie begrijpen
en verliezen energie deur em an zever te versmieten
want tis tied, tmoment voe van me luie gat te krupen
et moment daj nie beweegt goj automatisch achterut
Pak het Nu! vast, en zit nie mir int verleden
doamee wil ekik nie zeggen daj de zaken moe vergeten
mo ti best, nie te haten mo vergeven
positiviteit is echt, gin facade of citaat daj up moe teren
in gesprekkn, kmaakn zelve me realiteit
wa dak peizn en doen stoa geliek an wa dak kriegen
tis uniek, elke zen eigen verhaal en mystiek
elk ze vraag en repliek, niemand got er ooit weten wien daj ziet
mo ze zien wel oe daj schient, te zien,
en doarup goa ze verder voe te zeggn wadde dan ze van je vien
e mening is 1 ding, mo fok da
de waarheid is bewegend ik geloovn nie in dogma’s
e mens is varieërend en verandert deur de joarn
mo kriegt amper de support voe te kun eten wa de pot schaft
mo lat et los, tis vasthoudn die kracht vergt
en ja zeggn upt leven voe nie t’eindigen met bandwerk
tis nie daje van nix nie moet antrekkn
mor oj gin gehoor gift an lelijke stemmen nim j’under klank weg
Chorus (x2)
Fuck it, us leven is te kort voer ol die zever
We zie rugged, we geven echt gin fok om ol die zeikers
we goan geweune deure toet upt ende van de rit
Fuck de bullshit in de wereld ik zie positief gezind
Verse 2: Buttnwestn
Up's en Down's, bluf met je kop bie de lesse
zintugen up scherp en minder zugen an de flesse
ut je bedde na't werk, zoender drugs,tegen dek
tis tied voe, up te letten dus ge zoe joe beter zettn
en k'beseffe... ge leef moa ne ki
Wuk doe je dermee? olles geevn of geev'd j'ip
joen gelukt mak je zelvn, vant te vuven toet roend tn'elvn
stoat er heel olene voorn, moe geweun wa dieper delvn
ke gin moatn, tzien ol ... ey wuk ist er an de hand
t'wil lik niemand niemi klappn, benk toe zuk nen embetantn
oe kommet? verdomme, zet je mie an de kantn
voer e poar van die grams nu begun ek et te snappn
ge ziet ollemale tam en g'et ol e masker an
ja... ey, g'et ol e masker an
up nen dag leg ek et lam nu lig me deure plat
toe go ze kun ontspannen en zit ek ip me gat
en toen schrief ek were rhymes met effect
voe de mensen dat gesprek kunnen volgen, nog ortn no de tekstn
da nie gon over feesten, oj der gin reedns toe et
da nie gon over groensels, aj de beesten upfret
we zien weer weg, relativeren en proberen
oeze zinnen te verzetten, zoender nemen mo met geevn
geweune leevn, en loatn leevn
geweune leevn en loatn leevn