We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Heerlijke nieuwe wereld

from Boeshido - Up de Golf vol. II by Samoerai

/
  • Streaming + Download

    Includes high-quality download in MP3, FLAC and more. Paying supporters also get unlimited streaming via the free Bandcamp app.
    Purchasable with gift card

      name your price

     

about

beat by Vincetrumentals

lyrics

We leevn in e heerlijke nieuwe wereld, e beschimmeld fort
woarin dat uze woarlijke roeping finaal verhinderd wordt
we zien us nie bewust van de soldatenlaars van Bezmenov
die onder uze konte bengelt, vergit et mo

tis ol nie relevant genoeg en das net de essentie
daw us nie bewust zien van de consequenties
das die, extra dimesie die der zorgt voe draagt dat olles incognito speelt
en quasi elke grote media de zeste visie deelt

tis nie da we voe olles worden bestraft
tis idder zo dawe beloond zien voe gewenst gedrag
“lopt mor ollemol in de reke, kiek mor ollemol nor etzeste
kopt olene mo brol voe t’eten, en doet, doarin je beste”

de strijd wordt nie gevoerd met kloare wapens
tziijn ideëen en gin kogels dien us nu et meeste raken
volsche ideologieën, us peizn wordt bepaald
deur et verhaal dat et systeem up koele wijze bluft herhalen

en et krupt onder us vel, et zit ol in us babbelen
vo dajt wit zit wuk da tegenstikt verstrikt in eigen handelen
we bepalen uze omgeving, en omgekeerd
en lik bie’t meeste int leven ist er e moment vorbie de kans up ommekeer

dus omeki ist zo en noois mir anders, verankerd
in us hele zien zoender e verlangn dat et veranderd
tis comme Ford, de begeerte wordt bepamperd
woadeure dat us idealisme mo lanterfantert


mo Samoerai alli, wuk is da toch met joen
jet e vrouwe, jet e zeuntje, je ziet olle 3 gezoend
beide ouders nog in leven, jet e dak boven jen hoofd
en jet meer plekk up jezelvn dan sommige families tope

wuk ist vint, ossan mo zagen over tsysteem
terwijl dat vooralsnog et gene is woadeur daj overleeft
je trekt de voordelen derut en got toen mo afkaffern
je ziet nie meer dan e verwende middenklasser



kzien dankboar voe de zaken daj et upgesomt
kzien gezegend, alli, dak doa nie zelf zien upgekomn
meen je dad echt, t’systeem is teurlijk tgeen dak overleven
aj der nie van oender ut kan moej mo acclimatiseren

dus ik “zagen” omdak bewustwording e goeie zaak vien
omdak, zest terwijl dak der in leven de beschaving
nie beschaafd vien, en mensen die minder geluk of ik
en meegekregen ziek dat under nog meer kansen ontglipt

en dat is mis, ik zien een onderdeel van et geheel
terwijl dat dit systeem us systematisch upzet en verdeelt
tdroait om cijfers, om kijkcijfers, om klikcijfers
we wordn ier in de zeik gezet, da makt me pisnijdig

we zien toet olles in stoat, mo zien in olle stoaten
je meug peisn wa dajt wilt, dak mo willkeurig hoaten
mor ik khoopn daj gie ooit et platje ziet voe wa dat is
toet die dag mis je just lik et systeem tminste begrip


ahja, tis ol de schuld vant systeem en van de politiek
wos haten recreatief, toen ad je gie e hobby bie
nie haten? ik vraagn me just mor of van woa dat komt
dien drang voe heel de wereld te bezien als e complot


kerel stopt, je lustert nie no wiene dak vertellen
let olene up bepaalde trefwoorden dak vermelden
in essentie is de boodschap vree simpel en wel
tgot om je noasten beschermn en te houden van zelf

mor in de heerlijke, nieuwe wereld, van vandage
is liefde oenderhevig an e winstpercentage
dus geluk wordt us verkocht, mor ist wel echt geluk
ot telkens were aangevuld moet bluvn lik bie e drug

credits

from Boeshido - Up de Golf vol. II, released April 4, 2021

license

all rights reserved

tags

about

Phatmark Collective Belgium

Welcome to the Phatmark Collective Bandcamp. We hope you enjoy the music.

contact / help

Contact Phatmark Collective

Streaming and
Download help

Shipping and returns

Redeem code

Report this track or account