In uze westere, open haakjes “beschaafde” slut de haaksjes
samenleving is de grotste oenger die us confronteerd
van mentale oard
ofgezoender van je woare leven, vloekend up de dageroad

weer e nieuwe dag, met ol dezeste informatie
angoande were dezeste situaties
en hoastje, hoast je, is ol daj kriegt te oorn
of de dagelijkse sleur, sleurt je mee in de stroom van grote woorden

beloftes, carieres, pensioen
up 1 voorwoarde, daj de reste van je leven doet
wa da verwacht wordt, elke dag is weer een ander kraslot
da noois wint, mor ook nie echt verliest zo daj vastlopt

e hamsterrad woarin da Jan en alleman ze dag spendeert
terwijl da grore Jan rendeert en de flappen pakt
tis assan wa, we zappen links en rechts up zoek
nor e betekenis, e boodschap, e stemme die us roept

.. mo der is juste boegeroep en ordinaar gevloek
en doarom voeln we us verloatn, en gowe niemir up zoek
de hoop is lang vergeten, de moed zinkt in de schoenen
up et moment daj ziet da olles is geconnecteerd met poen

met macht, controle… meer en dan een ander
tis e competitie die de conditie van mensh altert
us lam makt, zo damme werken, eten, pitten
… mo desoendanks, toch up uzen oenger bluvn zittn


…. De levensoenger wordt niemi gevoed
gin voedsel voe de ziel, mo wel junkfood genoeg
me mage grolt, want en eet genoeg vergif
mo desoendanks bluven wieder up us oenger zittn

…. De levensoenger wordt niemi gevoed
gin voedsel voe de ziel, mo wel junkfood genoeg
me mage grolt, want en eet genoeg vergif
mo desoendanks bluven wieder up us oenger zittn


Een enigma, de woarheid shift, lik e paradigma
en verandert, tmoment dajt in een ander perspectief platst
zen da begrepen, dus moeme us nie verheugen
dat er oois e dag komt, dat de woarheid wint van de leugen

… weer e sekstape, en 1 of ander video
up heterdoad betrapt… in flagranti delicio
tis bezighouding, mo tis nie zoender risico’s
…tis prutsen aan de woare woarde van je libido

Filosofoofn en gin antwoorden up vragen mi
politiekers redeneren mager mo tis angedikt
holle utspraken vulln uze dag
en loois peizn slim te zien mo luln ut under zak

…tgo veels te verre, de jeugd wordt gebrainwashed
en binnenkort zittn ze vol-wassen an de leiband
tis beschamend, volgelingn van Mefisto
elke dag up under odyssee, mor olles in Calypso

kujt ze kwalijk nimn? on olle plots ol zien utgeschreven
… oe kuj toen oois an je eigen verhaaln beginnen
ze zien oentroofd van under droom
under hoop is verloorn, elke dag is volledig monotoon

gin voedsel voe de ziel, mo vergif voe je lief
…olles reduceren toet vergit-je-me-nie
tis verslavend, zoveel menshn standaard up de ofkick
tis lik normaal geworden dat de rotte appel lof kriegt

…. De levensoenger wordt niemi gevoed
gin voedsel voe de ziel, mo wel junkfood genoeg
me mage grolt, want en eet genoeg vergif
mo desoendanks bluven wieder up us oenger zittn

…. De levensoenger wordt niemi gevoed
gin voedsel voe de ziel, mo wel junkfood genoeg
me mage grolt, want en eet genoeg vergif
mo desoendanks bluven wieder up us oenger zittn