soms ej zo van die dagen daj nie wit wuk dat er je nog ol te wachten stoat
en ziej ook nie bewust van ol de sporen daj nog achterloat
ik weetn nog, ok joengk woarn wos ek massas vastberoadn
want zest in hondewere wost er ossan tied voe kattekwoad

dingn verandern lik joarn die mo rapper vliegen
nu ken ek gevoarn dak nie kende
goe momenten moe je spoaren, da besef ek, tis moeilijk voer e pad te kiezen
noois nie wetend woa da je got endign

dus gokke stap voe stap up weg no wa da nog nie is
hopende dak nie vaste kom te zittn in de ochtendspits
.... us leven wordt ontketend in e korte flits
mo zelden zien we vrij van ketens en zoender bekommernissn

de bolle ligt temidden van us kamp, en toch sloan wem mis
…da krieg je van e generoatie woa da luxe weliswoar
in verschillende gr adoaties, vaak overtollig is
omdat er e vertekend beeld van liefde an bronne zit

mo tgo nie ik zien die goa zeggen oe dat beter kan
kgeloovn in zovele zaken mor ik zien gin predikant
in men hoofd ziek ossan joengnk gebleven gelik peter pan
… olene doa ziek zeker van

mo kzien tenminste zeker van etwa.. das beter dan onzeker zien
ik wachten nie upt leven, kzettn stappen ookol weet ek nie
woa dakke gon belandn, das beter dan achteraf te beseffen
daj in ol die tied nooit etwa et gepland


de zaken dien der echt toe doen, zijn onbegrijpelijk
et menselijk bestoan… is up ze hoogst tijdelijk
…de dingen die moen gebeuren onvermijdelijk
en tgene da nie goed is voe je vaak zo verleidelijk

de zaken dien der echt toe doen, zijn onbegrijpelijk
et menselijk bestoan… is up ze hoogst tijdelijk
…de dingen die moen gebeuren onvermijdelijk
en tgene da nie goed is voe je vaak zo verleidelijk


mo soms ej zo van die weken daj nie wit wuk dat er je nog ol te wachten stoat
en ziej ook nie bewust van ol de sporen daj nog achterloat
ik weetn nog, ok joengk woarn, dacht ek nie an klassestoatn
of rassenhoat, der wos olene Hip Hop en massas ploatn

mo dingn veranderen lik menshen daj niemir herkent
tleven kampt met wisseltonigheid ol wost een instrument
kzien de bestn nie mo kleevn voe men element
en geevn me volledig onk ik uiten wat dak in men en