met sommige van gieder ek e band nie te beschrieven
wieder zitten up dezeste golf-lengte en we kieken
up dezeste wieze lik of daw e bril moen deeln me twee
1000 haaien up de loer, mo met joen gok ik deur zee
ik kieken in jen ogen en ik kom mezelvn tegen
gie zien yin en ik zien yang en tope kun we circuleren
ik en olles wat daj mist en gie et olles wat dak zoeken
we zien pagina’s appart, mo tope zien we volle boeken
en we spreken, vroeger kon ek teren up mezelvn
wos ek leeg, mo nu connecteer ek met andere helften
zienke 1, nie meer of e verzameling ervoaringen
upt moment dak e dilemma zien, … ziej gie de verkloaring
we passen, nie up en ook nie an, nin we passen
upt moment da wieder klikken volt de wereld ut zen assen
symbiose… woede is volledig ut den boze
on we tope zien ist lik of dak ontwaken ut narcose
je wit me t’apprecieren voer et roar en idiote
me grotste fouten reduceer je toet een anekdote
we zien olange t’stadium vorbie van e zygote
en ok ik me down voeln, doej gie noois nie ut de hoogte
je zie me zuver woater tijdens lange tijden droogte
en ol draag je oude kleren ziej gie noois nie ut de mode
ik kennen je, ik wistn wien daj wos vo dak je kende
je ziet da bitje licht dat me verlicht van men ellende
We zien Soulmates, ossan oenderweg
up boane nor e kanse voe te leren ut e les
we krusen uze poaden up de oardigste momentn
wen mekoar nog noois gezien, mo tis lik dam elkoar ol ken
We zien Soulmates, ossan oenderweg
up boane nor e kanse voe te leren ut e les
we krusen uze poaden up de oardigste momentn
wen mekoar nog noois gezien, mo tis lik dam elkoar ol ken
wuk ku vreugde nog zegn over zielsverwanten
behalve datn de ziene kwiet is
of ist idder dattiet besef riek is
datter noois echt etwien van gie is
tis gin bezit mor e frequentie van begrip
tope ant vibreren op de golven lik e schip
der is rust imen ogen mo der woed e storm binnenin
Lik da Dony zegt der past gin square in me kring
uze vormen vullen mekander an en ton volgter e klik
tgot aal vanzelve uze gesprekken verlopen vlotjes
tis lik daje wint zoender daj moe krassen ip e lotj
e je ziet de wereld riek aje e verwante van je ziel viend
en misschien kennen we mekander nog nie ma kweten daje tzeste lik mien ziet
en toch ip joen manier ook weer volledig uniek
soms enket gevoel datter niemand me begriept
Mo gie kut de wereld utleggen lik ofdajem bekiekt
ut mien perspectief op't moment dak de woorden dervoorn zelve niemi vienn
me d'inzichten geven woadeure danke leren wien dak zelve zien
e verdwaalde ziel, gie de spaken ime wiel
d'ondersteuninge woadeure dat alles ier ze plekke kriegt
We zien Soulmates, ossan oenderweg
up boane nor e kanse voe te leren ut e les
we krusen uze poaden up de oardigste momentn
wen mekoar nog noois gezien, mo tis lik dam elkoar ol ken
We zien Soulmates, ossan oenderweg
up boane nor e kanse voe te leren ut e les
we krusen uze poaden up de oardigste momentn
wen mekoar nog noois gezien, mo tis lik dam elkoar ol ken