We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.
/
  • Streaming + Download

    Includes high-quality download in MP3, FLAC and more. Paying supporters also get unlimited streaming via the free Bandcamp app.
    Purchasable with gift card

      name your price

     

about

Beat by Samoerai
Cuts by DJ Grazzhoppa

lyrics

der stroomt e bliksem deur me, geïnspireerd deur Juno
ik wordn in de fik gezet lik Giordano Bruno
me stemme klinkt soms ruw lik e strofe van Akinyele
kzien gin prins, mo zo sluw, lik Niccolò Machiavelli

kzien gin Nelly, gin dilemmas ik zien zeker van me stik
gin trendhopper, kdoen nie mee met ol die Nederlandse shit
me pen grover dan Bukowksi’s, lichter dan Kundera’s
me flow is sappig lik de bloaders van Aloë Vera’s

k’en Seneca ze pit, en Cicero’s retorica
et literaire vakmanschap van Nabokov in Lolita
ken evenveel te zeggen lik de Logico Tractatus
kzien zo dodelijk lik Hector, en nie dien van Urbanus

consistenter dan e vector, gin rector
mor ik torsen woater no de zee zolange dak men up de zinnen stortn
ik bloazen ier voe twee lik Miles Davis in e studio
mikken ol men pijlen gericht lik in e flits van Cupido


Verbaal, sloak olle lege pagina’s an flardn
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch lik Ullyses

Verbaal, sloak olle lege pagina’s an flarden
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch lik Ullyses


zit er vorm onder de eerste ruwe lagen van de tekst
lik e droenke schriever ek ol vele pagina’s gecrasht
soms oedek et verstoanboar ol wossek Bob de Bouwer
en up ander dagen schrief ek lik een echte Schopenhauer

waarschijnlijk ek meer gefilosofeerd dan Aristoteles
mo weinig van bewoard gebleven, lik bie Sophocles
ik investeren niemir in gebabbel
uiten juste nog profetische ontloadingn, ol wossek Quetzalcoatl

ken energie tevele, ok bluvn zo rappe flown
en nummers maken gon z’in Semmerzake e reactor bouwn
me brein is e perpetuum mobile, woa dak lik in kunnen
ne bluft ossan mo spinnen gelik de totem in Inception

ne wilt nie, stoppen en da hoef nie want da zoe mo tied verspild zien
zelfkennis, vraag et mor an Delphi
Tycho Brahe ziet in mien e nieuwe supernova
ksmelken elektronen tegoare in me schriftn van Atoma


Verbaal, sloak olle lege pagina’s an flardn
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch lik Ullyses

Verbaal, sloak olle lege pagina’s an flarden
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch ziek ik sowieso


in stoat voe magie te scheppen me Metatron ze kubus
alchemistische projecten up te zetten in me tuinhuis
me teksten zien hermetisch lik van Hermes Trismegistius
geen ezel die ze kop twee keers go stoten, kzien gin Sisyphus

de 12 werken van Hercules., amai amai
zien nix te vergelieken met de twoalf werken van Samoerai
ik surfen up et subatomair veld up Max ze Planck
en just lik Mozart, penetreer ek diepe in de klank

ik scheppen pure beelden met de taal lik Stefan Zweig
en Jaws wos e klassieker mor ik zien et meeste high
meer woorden int archief dan stenen in de Chinese Muur
zo daj stikt in me stof, ol wost salpeterzuur

Van Dale komt ier om de paar botten om een update
ik stoppen juste mo voer 1 te rolln en voer e lunchbreak
ik schrieven toet de nuchtend lik Descartes of Isaac Newton
want lik Hannibal ziek innerlijk gedreven voe te moven


Verbaal, sloak olle lege pagina’s an flardn
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch lik Ullyses

Verbaal, sloak olle lege pagina’s an flarden
zo da Muhammad Ali al nie eens met me wil sparren
Met de taal, gok dieper toet de kern lik Parmenides
ook ol lieket up et eerste zicht chaotisch lik Ullyses

credits

from Boeshido - Up de Golf vol. II, released April 4, 2021

license

all rights reserved

tags

about

Phatmark Collective Belgium

Welcome to the Phatmark Collective Bandcamp. We hope you enjoy the music.

contact / help

Contact Phatmark Collective

Streaming and
Download help

Shipping and returns

Redeem code

Report this track or account