Hoe heel je iemand die nie wit dat ie gebroken is
oe stel j’iemand tevreden met magie ot ie ontgoocheld is
oe red je iemand die zelve nie wit dat ie verloren is
… oe verstoaj etwien oj nooit, in zen hoofd ku zittn

… wuk is nu?… o tied nie te omvatten volt
en ot de toekomst je achter e poar secondn ol achtervolgt
leef je wel? ot olleen je lichaam in het heden zit
mo je gedachtestroom no de toekomst of et verleden mikt

wuk is geloof? ot olles voorgelogen is
oe grak je of van hoop, omdaj wit dat nie t’ontlopen is
.. oe krieg je ooit een overzichtelijk overzicht
in droomn en de symbooln die under toon oj de gekozen plicht

upnimt… wuk is de zin van e geschreven regel
oe verbindt je ol de stappen up een ofgestreken wegel
wien begriept er de betekenis van valkuiln up ze route
en wuk is de woare schuld van de ollergrotste boete


de vraag… die zinne daj ol tlangst oort
is zo vaag… gewikkeld in een antwoord
et is de vraag… die zinne daj ol tlangst
ne wos vaag, nu ontwikkeld toet een antwoord

dus elke vraag… en zinne daj ol lang oort
….bevat in veel gevaln zelv et antwoord
de vraag, wordt pas duidelijk bie em te stellen
toen moej antwoord nie zoeken,.. mo kom et ut zezelvn


hoe kommet dat geluk us miserabel makt
woarom angn de menshn noois niemir e maretak
oe kuj zeker zien da twijfel niet van kracht et
en oe voel je dat etwien je ze gedacht zegt

wuk is haat?? ot er gin vorm van liefde is
oe kun we nu de toekomst in, we kennen niet van geschiedenis
oe kuj winnen oj ol de hele tied verliezen int
wuk is je vrije wil ot vaak de keuze is die de kiezer nimt

wat is pijn… oj toch ol gin gevoel mir et
wuk is de moeite van ossan te doen alsof, oj moeite et
met doen alsof… oe komt de schaduw an ze vorm
en woarom isset winstelle in et oge van de storm

wuk is de uitkomst van de inhoud
en oe komt da kracht zit in de wieze woarup daj die kracht inhoudt
… wuk weten we o nietn te begriepen is
en woarom stellek vragen ot et antwoord ossan ier ol is

…. oe doek et of oe moet et zien
tis losloatn, ik geloovn niemir in wie zoekt die vindt
elke vrage da we stellen gift us een antwoord
nie ossan wa dam zoeken, mo noois ziem onbeantwoord

hoe, wuk, wa, wien en woarom
de vragen bluven komn, mo wuk ligt er an de bron
mor oe meer dak ze stelln, oe beter dak ze snappen
want ok ik de vraag teken up e blad kuk em pas vatten


de vraag… die zinne daj ol tlangst oort
is zo vaag… gewikkeld in een antwoord
et is de vraag… die zinne daj ol tlangst
ne wos vaag, nu ontwikkeld toet een antwoord

dus elke vraag… en zinne daj ol lang oort
….bevat in veel gevaln zelv et antwoord
de vraag, wordt pas duidelijk bie em te stellen
toen moej antwoord nie zoeken,.. mo kom et ut zezelvn